2. Mose 6:16 - O Debleskro Lab 2024 (Sinte-Manouche)

¹⁶ O Levi his i vavar Israeleskro čavo. Leskre čave hi: o Gershon, o Kohat oun o Merari. Kolendar van i Levitarya. Oun o Levi vas 137 (sheel-te-triyanda-te-efta) bersha phouro.

O Debleskro Drom 2021 (Sinte)

¹⁶ O Levi his i wawar Israeleskro tchawo. Leskre tchawe hi: o Gershon, o Kohat un o Merari. Kolendar wan i Levitarja. Un o Levi was 137 (sheel-te-trijanda-te-efta) bersha phuro.

2. Mose 6:16 Iomraidhean Croise

1. Mose 35:28

Oun o Isaak his 180 (sheel-te-orhta-deesh) bersh phouro.

1. Mose 46:11

O Levi oun leskre čave: o Gershon, o Kohat oun o Merari.

1. Mose 46:9

Leskre čave his: o Henok, o Pallou, o Hesron oun o Karmi.

1. Mose 47:28

Oun o Yakob djivas an o them Egiptia 17 (deesh-te-efta) bersha. Oun yob vas 147 (sheel-te-star-deesh-te-efta) bersha phouro.

1. Mose 50:26

Oun o Yosef meras, har yob 110 (sheel-te-deesh) bersha phouro his. Oun yob vas dre-maklo o kouč djeteha oun čiddo an i morhton an o them Egiptia.

1. Familjakro liil 23:6

I Levitarya his i menshe, kay van kol triin čavendar o morshestar Levi: o Gershon, o Kohat oun o Merari. Oun o David čivas dran kol triin familya morshen khetne, te boudrenn le khetne.

1. Familjakro liil 6:1

O Levi: Leskre čave his: o Gershon, o Kohat oun o Merari.

1. Familjakro liil 6:16

Mank i Levitarya his kalla, kolen o David i boudi das, te givenn le an o Debleskro kheer. Kova his an ko tsiro, har o Debleskro morhton kol deesh labentsa khere anlo vas, oun an o Debleskro kheer dren čiddo vas.

2. Familjakro liil 29:12

Kote stan kal Levitarya glan: dran o kheer Kohat: o Mahat, koleskro dad o Amasay his, oun o Yoel, koleskro dad o Asarya his; dran o kheer Merari: o Kish, koleskro dad o Abdi his, oun o Asarya, koleskro dad o Yehallelel his; oun dran o kheer Gershon: o Yoa, koleskro dad o Simma his, oun o Eden, koleskro dad o Yoa his;

2. Mose 2:1

Koy his i morsh kol menshendar, kay venna pal o Levi. Kova las peske i romni, kay his ninna i Leviteskre menshendar.

2. Mose 6:18

O Kohat, les his čave. Kolla hi: o Amram, o Yizhar, o Hebron oun o Ouziel. O Kohat vas 133 (sheel-te-triyanda-te-triin) bersha phouro.

2. Mose 6:20

Oun o Amram las peske i romni, i Yokebed, i pheen leskro dadestar. Oun koya las douy čave: o Aron oun o Mose. Oun o Amram vas 137 (sheel-te-triyanda-te-efta) bersha phouro.

4. Mose 16:1

Oun o Korah, – leskro dad his o Yizhar, – i Levitari kolendar, kay van pal o Kohat, ko Korah vas rhoyedo ap o Moseste. Khetne leha his morsha, kay van dran o kheer Ruben: o Datan oun o Abiram, kolengro dad o Eliab his, oun o On, koleskro dad o Pelet his. Pash lende his ninna 250 (douy-sheel-te-paash-sheel) vavar Israelitarya, kay pralstoune his mank i Israelitarya, vi-rodede oun an-dikle morsha.

4. Mose 26:57

O kheer Levi: Lengre laba van pre činlo pal kol triin čavende o morshestar Levi: o Gershon, o Kohat oun o Merari. Lendar venna kol Gershonarya, kol Kohatarya oun kol Merarya.

4. Mose 3:17

O Levi, les his triin čave: o Gershon, o Kohat, oun o Merari.

4. Mose 3:18

O Gershon: les his douy čave: o Libni oun o Shimi.

4. Mose 3:19

O Kohat: leskre čave his: o Amram, Yizhar, Hebron oun Ouziel.

4. Mose 3:20

O Merari: leskre čave his o Mali oun o Moushi. Kova hi i menshe, kay venna pal o Levi peskre familyentsa.

4. Mose 3:21

I menshe, kay venna o Leviteskro čavestar Gershon hi i Libnarya oun i Shimarya:

Josua 21:4

Oun yon vitsran barra, hoy sikran, koon have forya lella. Oun i barra peran glanstounes ap kol Levitarya dran o kheer Kohat, kay van o rashayestar Aron. Oun lenge van an o them Youda oun Simeon oun Benyamin 13 (deesh-te-triin) forya dino, yaake har i barra peran.

Josua 21:6

Oun kol familye dran o kheer Gershon lan 13 (deesh-te-triin) forya. Kal forya his an i themma Issakar, Asser oun Naftali oun an ko paash them Manasse, hoy ap koy rig o panyestar Yordan hi, kay o kham pre djal.