2. Mose 6:14 - O Debleskro Lab 2024 (Sinte-Manouche)

¹⁴ Kalla hi i laba kol phoure dadendar, kolendar i Israelitarya van: O Ruben his o Israeleskro phoureder čavo. Leskre čave hi: o Henok, o Pallou, o Hesron oun o Karmi. Lendar van bare familye, kolengro phouro dad o Ruben his.

O Debleskro Drom 2021 (Sinte)

¹⁴ Kalla hi i laba kol phure dadendar, kolendar i Israelitarja wan: O Ruben his o Israeleskro phureder tchawo. Leskre tchawe hi: o Henoch, o Pallu, o Hezron un o Karmi. Lendar wan bare familje, kolengro phuro dad o Ruben his.

2. Mose 6:14 Iomraidhean Croise

1. Mose 46:11

O Levi oun leskre čave: o Gershon, o Kohat oun o Merari.

1. Mose 46:9

Leskre čave his: o Henok, o Pallou, o Hesron oun o Karmi.

1. Familjakro liil 5:24

Oun kalla his i pralstoune pral pengre dadengre khera: o Efer, o Yishi, o Elyel, o Asriel, o Yeremia, o Hodavya oun o Yadiel. Yon lauter his zoreles an o kourepen oun morsha o labestar.

1. Familjakro liil 5:3

O Ruben his o Yakobeskro phoureder čavo. Leskre čave his: o Henok, o Pallou, o Hesron oun o Karmi.

1. Familjakro liil 7:2

O Tola: Leskre čave his: o Usi, o Refaya, o Yeriel, o Yamay, o Yibsam, oun o Samuel. Kolla his pralstoune pral pengre familye oun bare kourepangre. An o tsiro, kay o David djivas, his kolla, kay van pal o Tola, 22.600 morsha. Yaake his dren činlo an i familyakro liil.

1. Familjakro liil 7:7

O Bela: Leskre čave his: o Ezbon, o Usi, o Usiel, o Yerimot oun o Ir; lauter khetne his panč. Yon his pralstoune pral pengre familye oun zorele kourepangre. Lendar van 22.034 morsha, kay his dren činlo an i familyakro liil.

1. Familjakro liil 8:6

O Ehoud, leskre čave his: o Naaman, o Ahia oun o Gera. Kolla his pralstoune pral i menshende an o foro Geba. Oun yon van pandles anlo an o foro Manahat. O Gera his kova, kay anan len kote. Leskre čave his o Ouza oun o Ahihoud.

2. Mose 6:13

Oun o baro Devel rakras ap o Moseste oun ap o Aroneste oun bičras len pash i Israelitarya oun pash o Farao, ko baro ray pral o them Egiptia, te moukell lo i Israelitaryen dran o them Egiptia te djal.

2. Mose 6:25

O Aroneskro čavo, o Elazar, las peske i romni. Kolakro dad his o Poutiel. Oun yoy las i čavo, o Pinhas. Kal phoure dadendar venna bare familye, yon hi lauter Levitarya.

4. Mose 1:18

Oun yon anan i tsele Israelitarya khetne ap o ersto dives an o douyto čon. Oun i tsele morsha, hoy his biish bersh oun phoureder, moukan pengre laba an lila dren te činell. Yon van yaake pre-činlo, te vas diklo dran havi familya hakeno vas oun koon leskro dad his.

4. Mose 26:12

O kheer Simeon: Leskre čave his o Nemouel, o Yamin, o Yakin, o Zera oun o Shaul. Lendar venna i Nemouelarya, i Yaminarya, i Yakinarya, i Zerarya oun i Shaularya.

Josua 13:15

Oun o Mose das i familyen dran o kheer Ruben lengro kotar them.

Josua 13:23

Oun o them, hoy i menshenge dran o kheer Ruben his, djas bis pash o pani Yordan. Kava tselo them oun leskre gaba oun forya lan i familye dran o kheer Ruben, te vell lo lengro.

Josua 14:1

Oun kalla hi kol kotya them, hoy i Israelende dino van an o them Kanaan. O rashay Elazar oun o Yosua, koleskro dad o Noun his, khetne kol pralstunentsa pral i bare familyende, yon his kolla, kay dan ko them vin, te lell haki familya peskro kotar them.

Josua 19:51

Oun yaake dan o rashay Elazar oun o Yosua, koleskro dad o Noun his, khetne kol pralstunentsa pral kol 12 (deesh-te-douy) bare familye hakeneste peskro them, yaake har i barra sikran, hoy le vitsran. Kova vas kerdo, har his le khetne glan o baro Debleste, glan o voudar leskro plarhteno kherestar an o foro Shilo. Oun yaake las kote hakeno peskro kotar them.