2. Mose 5:4 - O Debleskro Lab 2024 (Sinte-Manouche)

^4-5 Koy penas o Farao ap lende: “T'mer, Mose oun Aron, hoske kamenn t'mer kol menshen dran pengri boudi te lell? Yon hi boudeder har i Egiptarya. Oun t'mer kamenn len pale te rikrell, te krenn le bouder gar pengri boudi! Djan t'menge! Hakeno pash peskri boudi!”

O Debleskro Drom 2021 (Sinte)

^4-5 Koi penas o Farao ap lende: “Tumer, Mose un Aron, hoske kamenn tumer kol menshen dran pengri budi te lell? Jon hi budeder har i Egiptarja. Un tumer kamenn len pale te rikrell, te krenn le buder gar pengri budi! Djan tumenge! Hakeno pash peskri budi!”

2. Mose 5:4 Iomraidhean Croise

2. Mose 1:11

I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

2. Mose 2:11

Har his o Mose baro, vas i dives, kay djas lo pash peskre menshende. Koy dikas yob har yon phares hounte boudrenn, oun har das yek Egiptari i Hebreares.

2. Mose 6:5

Ninna shounom me i gole, har i Israelitarya gole dan i doukatar, har i Egiptarya lenge i zoryah phari boudi pre čivan. Oun me bistrom miro lab gar oun rikrau les.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.