2. Mose 5:23 - O Debleskro Lab 2024 (Sinte-Manouche)

²³ Hako kopo, har djom pash o Farao oun penom leske, hoy tou kamal, kras lo i menshenge o djipen gomme phareder. Tou kral či, te less tire menshen koy vin!”

O Debleskro Drom 2021 (Sinte)

²³ Hako kopo, har djom pash o Farao un penom leske, hoi tu kamal, kras lo i menshenge o djipen gomme phareder. Tu kral tchi, te less tire menshen koi win!”

2. Mose 5:23 Iomraidhean Croise

Hiob 22:17

Oun yon penan ap o Debleste: “Dja touke mendar!” Oun: “Hoy nay krell menge o zorelo Devel?”

Debleskri gili 118:26

Sharedo vell kova, kay vell an o baro Debleskro lab. Kate, dran o Debleskro kheer rakrah o Debleskri barht pral t'mende vin.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jeremia 11:21

I menshe an Anatot kaman man moulo te dell, oun penan mange: Mouk tele, te rakress, hoy o baro Devel touke penas, te kameh gar, te maras tout mare vastentsa! Doleske penell o baro Devel, ko ray pral o bolepen oun i phoub: Me kamau kol menshen an Anatot i phagi te dell: Lengre terne morsha venn o rhareha moulo dino, oun lengre čave oun ča hounte merenn i bokatar.

Johanni 5:43

Miro dad bičras man pash t'mende. T'mer lan man gar pre. Te vell i vavar, koles kek bičras, koles lenn t'mer pre.