2. Mose 4:23 - O Debleskro Lab 2024 (Sinte-Manouche)

²³ Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

O Debleskro Drom 2021 (Sinte)

²³ Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

2. Mose 4:23 Iomraidhean Croise

Debleskri gili 105:36

Yob das o phoureder morsh čaves moulo haki datar an o them Egiptia. Kolla his lengre dadengri feteder zoor.

Debleskri gili 135:8

Yob hi kova, kay das i phoureder morsh čaven moulo an o them Egiptia pash i menshende, ninna pash i firhende,

Debleskri gili 136:10

Yob maras i phoureder morsh čaven i Egiptarendar. Leskro lačepen ačella hako tsireske!

Debleskri gili 78:51

Yob maras i tsele phoureder morsh čaven an o them Egiptia, kol čaven kolendar, kay venna pal o Ham, an kolende pengre dadengri bareder zoor hi.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 10:4

Te moukeh tou gar mire menshen te djal, palle kamau me taysar stepangre pral tiro them te bičrell.

2. Mose 11:5

Palle merenna i tsele morsh čave an o them Egiptia, kay hi i phoureder čave pengre dayendar: o Faraeskro phoureder čavo, kay ap o rayeskri beshepaskri beshdo hi, oun ninna o phoureder čavo kol djouvyatar, kay dran o djob yarro krella. Oun ninna kol morsh firhe, kay hi i phoureder čave pengre dayendar hounte merenn.

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

2. Mose 13:15

Har pandas o Farao peskro dji oun moukas men gar te djal, maras o baro Devel an o tselo them Egiptia i tsele morsh čaven, kay his i phoureder čave pengre dayendar pash i menshende oun ninna pash i firhende. Doleske dau me ko phoureder morsh ternepen, hoy i firhestar boldo vella, o baro Debleske. Pash mire čavende hi vavarčandes. Hako phoureder morsh čaveske marau i firho.

2. Mose 18:8

Oun o Mose penas peskri romyakro dad lauter, hoy o baro Devel ap o Faraeste oun ap i tsele Egiptarya kras, har las lo i Israelitarya vin. Ninna penas lo leske, har phares his ap o drom oun har o baro Devel pale te pale ap lengri rig vas.

2. Mose 3:18

Oun i phoureder shounenna ap tiro lab. Palle dja lentsa pash o baro rayeste pral o them Egiptia. Oun penenn ap leste: O baro Devel, koles i Hebrearya an-mangenna, vas pash mende. Kanna mouk men triin divessa dour an o moulo tato them te djal, te maras firhen maro Debleske.”

2. Mose 5:1

Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

2. Mose 6:11

“Dja dren pash o Farao, ko baro ray pral o them Egiptia, oun pen leske, te moukell lo i Israelitarya dran leskro them te djal.”

2. Mose 7:16

Oun pen ap leste: O baro Devel, o Devel pral i Hebrearya, bičras man pash toute, oun moukell touke te penell: Mouk mire menshen te djal, te mangenn le man an an o moulo tato them. O tselo tsiro shounal tou gar.

2. Mose 8:1

Oun o baro Devel penas ap o Mose: “Pen ap o Aron, te rikrell lo peskro kasht pral i tsele panya, kolla, hoy nashenna oun kolla, hoy tardo hi! Oun mouk i djambe pral o tselo them Egiptia pre te vell.”

2. Mose 8:16

Oun o baro Devel penas ap o Mose: “Taysarla, te djal o Farao pash o pani Nil, dja pash leste oun pen ap leste: Kava penell o baro Devel: Mouk mire menshen te djal, te mangenn le man an!

2. Mose 8:17

Te moukeh tou mire menshen gar te djal, palle moukau me vavar matsille te vell, hoy čourye denn. Yon venna pral toute oun tire pralstunende oun tire tsele menshende. T'mare khera venna pherdo matsille, hoy čourye denn. Ninna i phoub, kay i Egiptarya djivenna, vella pherdo lendar.

2. Mose 8:20

Oun o baro Devel kras kova yaake. Oun i matsille, hoy čourye denn, van an o Faraeskro kheer oun an i khera kol pralstunendar oun an o tselo them Egiptia. Yaake vas kova i bari bibarht o tselo themeske.

2. Mose 9:1

Kote penas o baro Devel ap o Mose: “Dja pash o Farao dren oun pen leske: Kava penell o baro Devel, o Devel pral i Hebrearya: Mouk mire menshen te djal, te nay mangenn le man an.

2. Mose 9:13

Kote penas o baro Devel ap o Moseste: “Taysarla ste sik pre, dja glan o Farao oun pen ap leste: Kava penell o baro Devel, o Devel pral i Hebrearya: Mouk mire menshen te djal, te nay mangenn le man an.

2. Mose 9:2

Te moukeh len tou gar te djal, oun rikreh len pale pale,

Hosea 11:1

Har o Israel terno his, kamom les o djiyestar, oun dran o them Egiptia kharom les, miro čaves.