2. Mose 4:21 - O Debleskro Lab 2024 (Sinte-Manouche)

²¹ Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

O Debleskro Drom 2021 (Sinte)

²¹ Un o baro Dewel rakras ap o Moseste: “Te hal an o them Egiptia, palle kre ko tselo baro koowa, hoi me tut an tiro wast dom, glan o Farao! Un me kamau leskro dji har i bar te krell, te mukell job gar tire menshen dran i Egiptia win.

2. Mose 4:21 Iomraidhean Croise

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

1. Rajengro liil 22:22

Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

Debleskri gili 105:25

Kolenge das lo an o dji, te dikenn le čilače yakentsa ap o Debleskre menshende, oun kran lenge midjak koova.

Debleskri gili 78:43

Lenge vas gar an o shero, har sikras lo peskri bari zoor an o them Egiptia, oun havo baro koova yob kras pash o foro Soan.

2. Mose 10:1

Pal kova penas o baro Devel ap o Mose: “Dja pash o Farao dren! Me pandom leskro dji, ninna i djia leskre pralstunendar, te nay krom kava baro koova an miri zoor mashkral lende.

2. Mose 10:20

Ninna kava kopo pandas o baro Devel o Faraeskro dji. Oun yob moukas i Israelitaryen gar te djal.

2. Mose 10:27

Oun pale pandas o baro Devel o Faraeskro dji, te moukas lo len pale gar te djal.

2. Mose 11:10

Oun o Mose oun o Aron kran ko tselo baro koova an o Debleskri zoor glan o Farao. Oun o baro Devel pandas leskro dji, te moukas lo i Israelitaryen gar dran peskro them te djal.

2. Mose 11:9

Yaake vas kova čačo, hoy o baro Devel penas ap o Mose: “O Farao shounella gar ap t'mende, yaake te krau boud oun baro koova, oun sikrau miri zoor an o tselo them Egiptia.”

2. Mose 14:17

Me krau, te pandenn i Egiptarya pengre djia yaake, te lenn le t'menge palla. Oun me sikrau miro barepen oun miri zoor ap o Farao, ap leskre vourdya oun ap leskre kourepangre.

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 14:8

Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

2. Mose 3:19

Oun palle penas o baro Devel: “Me djinau, o baro ray pral o them Egiptia, te vell lo gar phagedo, moukell lo t'men gar dran o them vin te djal.

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

2. Mose 7:13

Har dikas o Farao kova, ačas leskro dji pandlo, oun yob shounas gar ap lende. Yaake vas, hoy o baro Devel penas.

2. Mose 7:3

Me kamau leskro dji har i bar te krell, yaake te nay krap boud baro koova an o tselo them Egiptia, te sikrap miri bari zoor.

2. Mose 8:11

Har dikas o Farao, te hi i bibarht lestar krik, yaake har leske penlo vas, kote pandas yob pale peskro dji oun shounas gar ap lende. Yaake vas, hoy o baro Devel penas.

2. Mose 8:15

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

2. Mose 9:12

Oun o baro Devel pandas o Faraeskro dji, oun yob shounas gar ap lende. Yaake vas, hoy o baro Devel ap o Mose penas.

2. Mose 9:35

Yaake vas čačo, hoy o baro Devel ap o Moseste penas oun o Mose i Israelenge doureder penas: O Faraeskro dji ačas pandlo, oun yob moukas i Israelitaryen gar te djal.

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jesaja 63:17

Hoske, baro Devel, moukeh tou men tire dromendar tele te djal, te kram mare djia har bar, yaake te djivam bouder gar touha? Ab pale pash mende! Ma biste tire boudepangre! Mer ham tire menshe.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

2. Korintarja 2:16

Kolenge, kay djan nashedo, hi kova har i djoungeli khand, hoy anell len an o merepen. Kolenge, kay lenn o Debleskro djipen, hi kova i lačo soungepen, hoy anell len an o djipen. Kaya hi i bari boudi. Koon nay krell kova lauter mishto? Kek.

5. Mose 2:36

Maro baro Devel das i tsele forya an mare vasta: ko foro Aroer, hoy pash o lengsto pani Arnon čiddo hi, oun ko foro hoy tella an o panyeskri tala čiddo hi, oun i tsele forya bis pash o them Gilead. Kek foro his koy, hoy zorleder his har mer.

Josua 11:20

O baro Deblestar vas, te kran kol menshe pengre djia har bar, yaake te djan le an o kourepen khatar o Israel, oun van halauter lendar maredo. I Israelitarya hounte van lenge gar lačes. Na-a, yon hounte dan len halauteren moulo, yaake har o baro Devel kova ap o Mose penas.