2. Mose 4:18 - O Debleskro Lab 2024 (Sinte-Manouche)

¹⁸ Oun palle djas o Mose pash peskro romyakro dadeste, o Yetro, pale, oun penas leske: “Me kamau pale an o them Egiptia pash mire menshende te djal, te dikap, te hi le djido!” Oun o Yetro penas ap o Moseste: “Dja o Debleha!”

O Debleskro Drom 2021 (Sinte)

¹⁸ Un palle djas o Mose pash peskro romjakro dadeste, o Jetro, pale, un penas leske: “Me kamau pale an o them Egiptia pash mire menshende te djal, te dikap, te hi le djido!” Un o Jetro penas ap o Moseste: “Dja o Debleha!”

2. Mose 4:18 Iomraidhean Croise

1. Mose 45:3

Oun o Yosef penas ap peskre phralende: “Me hom o Yosef. Djivell miro dad?” Leskre phrala penan nay či ap leste. Lenge ačas o rakepen krik i trashatar.

2. Rajengro liil 5:10

Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

2. Rajengro liil 5:19

O Elisa penas: “Dja o Debleha!” Oun o Naaman kras pes ap o drom.

2. Mose 2:21

O Regouel poučas o Mosestar, te ačell yob pash leste, oun o Mose penas: “Ava! Mishto!” O rashay das peskri čay, i Sefora, leste, te romedinerell yob lat.

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

Louka 7:50

O Yezous penas ap late: “Tou patseh ap mande. Doleske hi tiri doosh toutar krik lino. Dja mo Debleha!”

Bičepangre 15:36

Pal yek tsiro penas o Paulo ap o Barnabeste: “Djas pale pale an kol tsele forya, kay mer o Debleskro lab i menshenge penam! Dikas pal mare phralende an i vavar themma, har lenge djala!”

Bičepangre 16:36

Kova vas pash o Pauleste oun penas leske: “I čačepangre bičran man, te penap t'menge, te han t'mer gar bouder stildo. Avenn vin oun djan t'maro drom. Kek krell t'menge čilačepen!”

1. Timoteo 6:1

I boudepangre, kay ginlo van, hounte shounenn ap pengre rayende, te nay rakrell kek mensho djoungeles pral o Debleste oun pral kova, hoy mer i menshenge pral leste penah.

Čačepangre 18:6

Kote penas ko rashay ap lende: “Djan o lačepah an t'maro dji! O baro Devel dikell lačes ap o drom, kay djan.”

1. Samuel 1:17

Kote penas o Eli ap late: “Dja o Debleha! O Israeleskro Devel dell tout kova, hoy tou lestar mangal.”