2. Mose 4:14 - O Debleskro Lab 2024 (Sinte-Manouche)

¹⁴ Oun har penas o Mose kova, las o baro Devel rholi ap o Moseste, oun yob penas ap leste: “Tiro phraal, o Levitari Aron, me djinau, te hayvell lo mishto te rakrell. Shoun, yob vella pash toute. Oun te dikell yob tout, palle hi les baro shoukapen an peskro dji.

O Debleskro Drom 2021 (Sinte)

¹⁴ Un har penas o Mose kowa, las o baro Dewel choli ap o Moseste, un job penas ap leste: “Tiro phraal, o Levitari Aron, me djinau, te haiwell lo mishto te rakrell. Shun, job wella pash tute. Un te dikell job tut, palle hi les baro shukapen an peskro dji.

2. Mose 4:14 Iomraidhean Croise

2. Samuel 6:7

Kova hounte krals lo gar. Yob hounte tapras gar i Debleskro koova an. Koy vas o baro Debleskri rholi pral o Ouza. Oun o Devel maras les koy. Oun yob meras koy pash o Debleskro morhton.

1. Rajengro liil 11:9

Yaake kras o Salomo gar, hoy o baro Devel lestar kamella, kova, kay o Israeleskro Devel hi, oun moukas pes leske douy kope te dikell, oun penas leske, te mangell lo gar vavar deblen an. Ap kova rikras pes o Salomo gar. Oun o baro Devel vas rhoyedo ap leste,

1. Familjakro liil 21:7

Kava tselo koova his djoungeles glan o Debleskre yaka. Doleske das lo i Israelenge i phagi.

Debleskri gili 105:26

Yob bičras peskro boudepaskres, o Moses, oun o Arones, koles yob peske vi-rodas.

2. Mose 4:13

Koy penas o Mose: “Miro ray, mangau tout, biče yek vavares!”

2. Mose 4:17

Oun kava kasht le an tiro vast! Koleha kress tou ko baro koova.”

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

Bičepangre 15:28

O Debleskro Dourho oun mer kamah gar t'maro djipen phares te krell. Mer penah t'menge či vavar har kava:

2. Korintarja 2:13

Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.

Filiparja 2:21

Kol vavar krenn lauter, hoy lenge mishto hi. Yon krenn gar, hoy o Yezous Kristo kamella.

Josua 24:5

Pal boud tsiro bičrom o Mose oun o Aron pash lende, oun anom bari bibarht pral o them Egiptia koveha, hoy krom kote. Pal kova lom t'mare phouren dran o them Egiptia vin.

1. Samuel 12:8

Har o Yakob an o them Egiptia vas, oun i Egiptarya t'mare phourenge o djipen phares kran, dan yon gole ap o baro Debleste, te vell lo ap lengri rig. Oun o baro Devel bičras o Moses oun o Arones. Oun yon anan t'mare phouren dran o them Egiptia vin, oun moukan len kate an kava them te djivell.

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.