2. Mose 39:8 - O Debleskro Lab 2024 (Sinte-Manouche)

⁸ Oun yon kran i shoukar bečeskri possita yaake har i damdira: dran lačo zorelo layntikro than, kay sonakangre thaba dren sido van, ninna kouč bakrengro bal, hoy blaueto, lolo oun lolo har yag kerdo vas.

O Debleskro Drom 2021 (Sinte)

⁸ Un jon kran i shukar betcheskri possita jaake har i damdira: dran latcho sorelo laintikro than, kai sonakangre thaba dren sido wan, ninna kutch bakrengro bal, hoi blaueto, lolo un lolo har jag kerdo was.

2. Mose 39:8 Iomraidhean Croise

Debleskri gili 89:28

Oun me krau, te vell lo miro phoureder čavo, oun o pralstouno pral i bare rayende ap kay phoub.

2. Mose 25:7

Lenn lendar ninna kol kouč barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita sido.

2. Mose 26:1

Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

2. Mose 28:4

Kolla hi i koola, hoy te krenn le: i bečeskri possita, i rashayeskri damdira, i baya oun i gad, i shereskro pandepen, oun i layntikro pandepen, hoy yob troul peskro per pandell. Kol rashayengre koola krenn le o Aroneske oun leskre čavenge, te venn yon mange rashaya.

2. Mose 39:9

Koy possita his yaake baro har bourhlo oun vas douy kope khetne lino. Haki rig his biish-te-panč centimetarya baro.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.