2. Mose 39:6 - O Debleskro Lab 2024 (Sinte-Manouche)

⁶ Oun yon lan douy kouč barra, hoy kharenna Onyx, oun čivan len an sonakangre goustria. Oun kolla morsha, kay hayvenn mishto laba an barra te činell, činan i laba kol Israeleskre čavendar an i barra dren.

O Debleskro Drom 2021 (Sinte)

⁶ Un jon lan dui kutch barra, hoi kharenna Onyx, un tchiwan len an sonakangre gustria. Un kolla mursha, kai haiwenn mishto laba an barra te tchinell, tchinan i laba kol Israeleskre tchawendar an i barra dren.

2. Mose 39:6 Iomraidhean Croise

Hiob 28:16

O gosvepen hi boudeder moldo har o lačeder sonakay oun kouč blauete barra.

2. Mose 25:7

Lenn lendar ninna kol kouč barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita sido.

2. Mose 28:11

Mouk koy boudi yekestar te krell, hoy hayvell mishto laba an bar te činell. Oun kol barra venn čiddo an sonakangre goustria.

2. Mose 28:12

Palle kre kol douy barra ap i damdira pre, kote kay i phika hi. Yaake hidjrell o Aron i laba o Israeleskre čavendar ap peskre phika, te djal lo an o Debleskro kheer. Oun yon venn mange, o baro Debleske, an o shero, te vap lenge lačo.

2. Mose 28:9

Le douy kouč barra, hoy kharenna Onyx! Oun an kolende mouk i laba o Israeleskre čavendar dren te činell:

2. Mose 35:9

ninna save barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita kerdo.

2. Mose 39:5

Ko pereskro pandepen vas yaake kerdo har i damdira: dran lačo zorelo layntikro than, kay sonakay dren sido vas, ninna kouč bakrengro bal, hoy blaueto, lolo oun lolo har yag kerdo vas. I damdira oun lakro pandepen his dran yek kotar than. Yon kran kova yaake, har o baro Devel o Moseske penas.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.