2. Mose 39:21 - O Debleskro Lab 2024 (Sinte-Manouche)

²¹ Palle čivan le i dori dran blaueto kouč bakrengro bal an kol douy goustria, hoy ap o bečeskri possita hi, oun pandan lat yaake ap i goustria ap i damdira, te hi li zoreles rikedo pral o pereskro pandepen, hoy rikrell i damdira khetne. Kova kran le yaake har o baro Devel o Moseske penas.

O Debleskro Drom 2021 (Sinte)

²¹ Palle tchiwan le i dori dran blaueto kutch bakrengro bal an kol dui gustria, hoi ap o betcheskri possita hi, un pandan lat jaake ap i gustria ap i damdira, te hi li soreles rikedo pral o pereskro pandepen, hoi rikrell i damdira khetne. Kowa kran le jaake har o baro Dewel o Moseske penas.

2. Mose 39:21 Iomraidhean Croise

2. Mose 25:7

Lenn lendar ninna kol kouč barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita sido.

2. Mose 28:8

Ko pereskro pandepen vell yaake kerdo har koy damdira: dran lačo zorelo layntikro than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas. I damdira oun lakro pandepen hi dran yek kotar than.

2. Mose 39:20

Oun palle kran le douy vavar sonakangre goustria oun čivan len ap kol douy kotya, hoy kote ap i damdira sido hi, kay i phika hi. Oun sivan len ap i glanstouni rig kote, kay kol kotya khetne lino hi, pral o pereskro pandepen, hoy rikrell i damdira khetne.

2. Mose 39:22

Koy pashel kran le i baya, hoy rivell o rashay tel i damdira. Oun koy tseli baya kran le dran blaueto kouč bakrengro bal.

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

1. Korintarja 1:25

Ninna te penenn i vavar menshe: “Kova, hoy o Devel krella, hi dinlepen,” hi yob gosveder har i menshe. Ninna te penenn le: “O Debles hi kek zoor,” hi yob zorleder har yon.

1. Korintarja 1:27

O Devel rodas kolen vin, kay an i menshengre yaka gar gosevo hi, te dikenn i goseve menshe, kay lengro gosvepen či molella. Yob rodas kolen vin, kay hi len kek zoor an i menshengre yaka, te dikenn i zorele, kay lengri zoor či molella.