2. Mose 38:9 - O Debleskro Lab 2024 (Sinte-Manouche)

^9-10 Oun yon kran kol layntikre kotya dran lačo zorelo than, hoy venn troul koy platsa pandlo, hoy hi glan o Debleskro kheer. Ninna kran le kol pesse kashta, mank kolende kol layntikre kotya pandlo venna. Ap koy rig, kay o kham pralstounes hi, hi koy platsa paash-sheel metarya baro. Kate rikrenn biish pesse kashta kol layntikre kotya. Kal pesse kashta venn tardo ap biish herya dran lolo saster. I rikepangre oun kol shelle, hoy rikrenn i layntikre kotya, kran le dran roup.

O Debleskro Drom 2021 (Sinte)

^9-10 Un jon kran kol laintikre kotja dran latcho sorelo than, hoi wenn trul koi platsa pandlo, hoi hi glan o Debleskro kheer. Ninna kran le kol pesse kashta, mank kolende kol laintikre kotja pandlo wenna. Ap koi rig, kai o kham pralstunes hi, hi koi platsa paash-sheel metarja baro. Kate rikrenn biish pesse kashta kol laintikre kotja. Kal pesse kashta wenn tardo ap biish herja dran lolo saster. I rikepangre un kol shelle, hoi rikrenn i laintikre kotja, kran le dran rup.

2. Mose 38:9 Iomraidhean Croise

1. Rajengro liil 6:36

Yob moukas ninna i glanstouni platsa troul o Debleskro kheer te krell. Troul i platsa kras lo i massouri, kay triin kope barra ap barra čiddo van, oun ap i triinte barra van cedertikre kashta čiddo.

Debleskri gili 100:4

Avenn an i voudya glan leskro kheer oun parkrenn t'men! Avenn ap i platsa glan leskro kheer oun sharenn les i gilyentsa! Parkrenn t'men pash leste oun sharenn les.

Debleskri gili 84:10

Dik lačes ap o baro rayeste, koles menge ap mari rig čival! Dik ap leste, koles vin rodal, te vell lo maro ray!

Debleskri gili 84:2

Tou, baro Devel oun ray pral o bolepen oun i phoub, har kamau me tiro kheer o djiyestar!

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

2. Mose 26:1

Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

2. Mose 40:33

Oun troul o kheer oun i sasterni rhačepaskri čivas lo i pesse kashta pre oun pandas kol layntikre kotya mank lende, te vas i platsa. Oun an o voudar glan i platsa čivas lo koy bari plarhta. Yaake kras o Mose koy tseli boudi.

2. Mose 40:8

Troul i platsa glan o kheer čip i pesse kashta pre, oun pande kol layntikre kotya mank lende! Oun an o voudar glan i platsa pande koy bari plarhta pre!

4. Mose 3:26

ninna kol plarhte, kay hi troul i platsa, hoy glan o kheer hi, kay ninna i sasterni rhačepaskri hi, kay firhe o Debleske rhačedo venna. Ninna denn le yak ap koy plarhta an o voudar glan koy platsa oun ap i shelle oun ko vavar koova, hoy koy pashel hi.

4. Mose 4:26

ninna i layntikre kotya troul i glanstouni platsa, oun koy bari plarhta an o voudar glan i platsa, hoy troul o kheer oun i sasterni rhačepaskri hi, ninna i shelle oun ko tselo koova, hoy koy pashel hi.