2. Mose 38:1 - O Debleskro Lab 2024 (Sinte-Manouche)

^1-2 Oun yob kras i sasterni rhačepaskri, kay venna firhe o Debleske rhačedo. Yob kras lat dran akatstikro kasht, douy-te-paash metarya lengsto oun ninna yaake bourhlo oun yek-te-paash metari pral. Pral i tseli rhačepaskri vas lolo saster dino. Ap haki pralstouni ekka vas i shing vin. Kol shinga van kerdo dran yek kotar kasht har i rhačepaskri.

O Debleskro Drom 2021 (Sinte)

^1-2 Un job kras i sasterni chatchepaskri, kai wenna vieche o Debleske chatchedo. Job kras lat dran akatstikro kasht, dui-te-paash metarja lengsto un ninna jaake buchlo un jek-te-paash metari pral. Pral i tseli chatchepaskri was lolo saster dino. Ap haki pralstuni ekka was i shing win. Kol shinga wan kerdo dran jek kotar kasht har i chatchepaskri.

2. Mose 38:1 Iomraidhean Croise

2. Familjakro liil 1:5

Glan o baro Debleskro plarhteno kheer an o foro Gibeon his ninna koy rhačepaskri dran lolo saster tardo, hoy o Bezalel kras, koleskro dad o Ouri his, oun koleskro dad o Hour his. Kote djas o Salomo, oun khetne leha i Israelitarya.

2. Familjakro liil 4:1

Oun yob kras i Debleskri rhačepaskri dran lolo saster. Koya his deesh metarya lengsto oun bourhlo oun panč metarya foun tel bis pral.

2. Mose 25:5

Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia,

2. Mose 30:17

Oun o baro Devel rakras ap o Moseste oun penas:

2. Mose 31:9

koy sasterni rhačepaskri, kay i firhe o Debleske rhačedo venna, oun ko tselo koova, hoy pashel hi, oun o thopaskro čaro oun koleskre herya;

2. Mose 40:29

Vin glan o khereskro voudar čivas lo i sasterni rhačepaskri, oun ap leste rhačras lo firhen oun rhapen o baro Debleske, yaake har yob leske penas.

2. Mose 40:6

Glan o Debleskro plarhteno kheer čip i sasterni rhačepaskri, kay i firhe o Debleske rhačedo venna.

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.

Hebrearja 13:8

O Yezous Kristo ačell har yob hi: taysar, kava dives, oun hako tsireske.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

Debleskro tsiro 21:16

O fores hi star rigya. Yek rig hi yaake baro har i vavar. Oun o bolepaskro las ko sonakaskro kasht oun dikas pal, har baro ko foro hi: Haki rig hi douy-zerya-te-star-sheel (2.400) kilometarya baro. O lengstepen, o bourhlepen oun o pralstunepen hi lauter yek barepen.