2. Mose 36:2 - O Debleskro Lab 2024 (Sinte-Manouche)

² O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

O Debleskro Drom 2021 (Sinte)

² O Mose kharas o Bezalel un o Oholiab pash peste, ninna kol tsele wawaren, kai o baro Dewel goswepen an lengro dji das un wasta, te budrenn le mishto, un kai wan pendar, te krenn le koi budi.

2. Mose 36:2 Iomraidhean Croise

1. Familjakro liil 28:21

Dik, i rashaya oun i Levitarya van yaake khetne lino, har yon khetne boudrenn an o Debleskro kheer. Haki boudjake hi rashaya oun Levitarya koy. Ninna koy tseli vavar boudjake ap o kheer hi tout boudepangre, kay gosevo hi, oun hayvenn pengri boudi mishto te krell. Koy pashel hi tout i pralstoune morsha oun menshe, te krenn le halauter, hoy tou lenge peneh.”

1. Familjakro liil 29:5

Kolestar, hoy pral ačell, vell roupeno oun sonakaskro koova kerdo, ninna ko vavar koova, hoy kolla krenna, kay hayvenn shoukar koova te krell. Kanna poučau t'mendar: Koon t'mendar della ninna čomone pestar o baro Debleske?”

2. Mose 25:2

Pen ap i Israelitarya: Hakeno, hoy les an o dji rhačella, te dell lo man pestar čomone, kova anell les pash t'mende.

2. Mose 25:40

Oun tou kress lat yaake, har kova touke ap i berga sikedo vas.

2. Mose 28:3

Rake kolentsa, kolen me lače vasta oun o gosvepen dom, te hayvenn le mishto te sivell. Pen lenge, te krenn le ripya o Aroneske, te vell yob mange i rashay.

2. Mose 31:6

Shoun, me rodom ninna i vavares vin, te djal lo leske pash o vast. Kova hi o Oholiab. Leskro dad hi o Ahisamak, dran o kheer Dan. Lentsa boudrenn hake vavar, kay hayvenn mishto lengre vastentsa te boudrell. Lenge dom me o gosvepen an o dji, te krenn le lauter yaake, har me touke penom:

2. Mose 35:10

Koon mank t'mende hayvell shoukar koova te krell, kova te vell oun boudrell mentsa, te nay kras mer, hoy o baro Devel penas menge:

2. Mose 35:2

Shob divessa krenn t'mari boudi! O eftato dives hi o Debleskro dives. Ap ko dives krenn či! Ko dives hi o baro Debleske. Koon ap kava dives boudrella, hounte merella.

2. Mose 36:1

O Bezalel, o Oholiab oun kol vavar, kolen o baro Devel o gosvepen oun vasta das, te hayvenn le mishto halauter te krell, hoy lo penas, kolla te krenn leske kanna i kheer oun kol tsele koola, hoy koy dren hi.”

2. Mose 36:3

Oun o Mose das len ko tselo kouč koova, hoy i Israelitarya anan, te krenn le o baro Debleske i kheer. Oun hako dives taysarlakro van le pale te pale pash o Moseste oun anan leske boudeder kouč koova pendar.

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

Hebrearja 5:4

Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.