2. Mose 34:1 - O Debleskro Lab 2024 (Sinte-Manouche)

¹ O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.

O Debleskro Drom 2021 (Sinte)

¹ O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

2. Mose 34:1 Iomraidhean Croise

Debleskri gili 119:89

Baro Devel, tiro lab ačella hako tsireske, oun hi zoreles tardo an o bolepen.

2. Mose 24:12

Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

2. Mose 32:16

Kol barra kras o Devel kokres oun činas kol laba dren.

2. Mose 32:19

Har vas o Mose pash i menshende, oun dikas ko terno gouroum, oun har i menshe khelan, vas an leste i bari rholi. Yob vitsras kol barra dran peskre vasta oun phagas len an kotya tella pash i berga.

2. Mose 34:28

Star-desha divessa oun ratsya ačas o Mose ap i berga pash o baro Debleste. An kova tsiro rhas lo či oun piyas lo či. Yob činas kol deesh laba ap kol douy barra, – kol laba, kay penenna, hoy o Devel peskre menshendar kamella.

2. Mose 34:4

O Mose kras douy neve bare barra har kol phoure. Sik taysarlakro stas yob pre, oun djas ap koy berga Sinay, har o baro Devel penas leske. An leskre vasta rikras lo kol douy bare barra.

Jeremia 36:32

Koy las o Yeremia i nevo liil oun das les o Baroukes, ko činepaskres, koleskro dad o Neriya his. Oun o Barouk činas kol tsele laba pre, hoy o Yeremia leske glan penas, kol laba, hoy an o ersto liil tardo his, hoy o Yoyakim, ko baro ray pral Youda an i yag vitsras. Oun boud vavar laba, hoy yaake har kolla his, van koy pashel činlo.

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.