Biblia Todo Logo
Bìoball air-loidhne

- Sanasan -




2. Mose 33:4 - O Debleskro Lab 2024 (Sinte-Manouche)

4 Har i Israelitarya kol phare laba shounan, rovan lengre djia, oun kek lendar čivas bouder peskro sonakay oun roup ap peste.

Faic an caibideil Dèan lethbhreac

O Debleskro Drom 2021 (Sinte)

4 Har i Israelitarja kol phare laba shunan, rowan lengre djia, un kek lendar tchiwas buder peskro sonakai un rup ap peste.

Faic an caibideil Dèan lethbhreac




2. Mose 33:4
20 Iomraidhean Croise  

Oun o baro ray penas ap o Shimi: “Tou hounte meress gar”, oun das pes sovel koy pre.


Har shounas o Ahab kal laba, tserdas lo peskri plaashka an kotya, rivas peske i gono trouyel, rhas či, oun rakras bouder gar. Ninna o sopaske rivas lo o gono gar vin.


Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.


Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.


Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.


Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.


Yaake čivan i Israelitarya pengro sonakay oun roup tele, har his le pash i berga Horeb.


Trissenn, t'mer djouvya, kay t'menge kek shero krenn, trissenn i daryatar, t'mer, kay dikenn kokres ap t'mende! Rivenn t'mare ripya vin, oun čivenn i gono troul t'mende!


Čorrhanes nay leh phares dourho. Ma rob i bari golyah har yek pral yekeste rovell, kay meras! Rike tiro diklo troul tiro shero, oun ma rib tire kirrha vin! Ma čake tiri čor tele! Oun ma rha ko maro, hoy kolenge anlo vell, kay rovenn pral i mensheste, kay meras.


T'mare dikle moukenn troul t'mare sherya oun kirrha ap t'mare pire. T'mer denn gar gole oun rovenn gar. T'mer perenn an t'mende khetne, yaake baro hi i doosh ap t'mende. Oun mank t'mende lenn t'mer phares dourho.


Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.


Te denn le gole ap mande, vell kova gar dran lengro dji. Čiddo hi le ap pengro čiben oun rovenna zoreles, oun činenn pen ratles, te vell len djob oun mool. Ap mande shounenn le gar.


O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.


Har o baro ray o forestar Ninive shounas, hoy o Yona rakras, stas lo pre peskro beshepastar, rivas peskri kouč plaashka vin, oun čivas i gono ap peste, oun beshas pes an i yagakri čik.


“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!


Koy stan kol tsele Israelitarya pre, oun dan gole i trashatar. Oun kol menshe rovan i tseli rat.


Har o Mose kol laba ap kol tsele Israelitarya penas, his kol tsele menshenge ropaske.


An o foro Bet-Shemesh his menshe, kay dikan an o morhton, kay o Debleskre deesh laba dren hi. Oun o baro Devel maras lendar efta-deesh (70) morshen. Oun i tsele menshe rovan, te das len o baro Devel yaake phares.


Lean sinn:

Sanasan


Sanasan