2. Mose 32:12 - O Debleskro Lab 2024 (Sinte-Manouche)

¹² Kameh, te penenn i Egiptarya: Kava Devel anas i Israelitaryen dran maro them vin, te marell lo len an i berge, te ačell kek lendar pral ap i phoub. Mangau tout, dja pale tiri rhačedi rholyatar! Mouk kay bibarht gar pral lende te vell!

O Debleskro Drom 2021 (Sinte)

¹² Kameh, te penenn i Egiptarja: ‘Kau Dewel anas i Israelitarjen dran maro them win, te marell lo len an i berge, te atchell kek lendar pral ap i phub.’ Mangau tut, dja pale tiri chatchedi choljatar! Muk kai bibacht gar pral lende te well!

2. Mose 32:12 Iomraidhean Croise

1. Mose 6:6

Kova doukas les an leskro dji. Oun o baro Debles khaytas, kay kras yob i menshen ap i phoub.

1. Rajengro liil 8:51

Yon hi tire menshe, kay tou touke vi-rodal, oun vin anal dran o them Egiptia, har dran an i bob, kay boud yag dren hi.

Esra 10:14

Mouk mare pralstoune menge kate ačenn. Oun hakeno, kay las peske i romyat vavar menshendar an mare forya, yob te vell glan lende ap i vi-kerdo tsiro, oun khetne leha i phoureder oun i čačepangre morsha dran leskro foro. Yaake krah mer lauter, bis te vas maro Debleskri rholi pral kava koova mendar krik lino.”

Debleskri gili 106:45

palle vas an leskro shero, hoy kras lo lentsa vin, te hi lo lengro Devel. Oun an peskro baro lačepen khaytan le les.

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 85:3

Tou lal o čilačepen, hoy tire menshe kran, lendar krik! Lengri tseli doosh bistral tou.

Debleskri gili 90:13

Baro Devel, har rah kameh te rhoyreh tout ap mende? Dik pale lačes ap mende, tire boudepangre!

2. Mose 32:14

Koy rikras pes o baro Devel pale oun moukas gar koy bari bibarht pral peskre menshende te vell.

2. Mose 33:13

Te dikeh lačes ap mande, mouk man tiro drom te djinell. Me kamau tout feteder te hayvell, te krap, hoy mishto hi glan tire yaka. Biste kova gar: Kol menshe hi tire menshe.”

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 28:16

Doleske penell o baro Devel: Tiro rakepah anal i menshen o Debleskro dromestar krik. Doleske lau tout krik i phoubyatar. Kava bersh mereh tou.”

Ezekiel 20:14

Palle krom kova gar, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:22

Oun pale rikrom man pale oun krom lenge či, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:9

Palle krom kova gar, te nay rakrenn kol vavar menshe gar djoungeles pral mande, mank kolende yon his, oun glan kolende me penom, te hom o Israeleskro Devel, oun te anap len vin dran o them Egiptia.

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Amos 7:3

Koy khaytas kova o baro Debles, oun yob penas: “Mishto, kova vell gar yaake!”

Amos 7:6

Koy khaytas ninna kova o baro Debles. Oun o baro Devel, maro ray, penas: “Kova te vell gar yaake!”

Jona 3:9

Koon djinella? – Kova, hoy o Devel kamas te krell, nay khaytell les, oun yob moukell peskri rholi gar pral mende te vell, te meras gar halauter.”

Zakarie 8:14

Kova penell o baro Devel, ko ray pral o bolepen oun i phoub: “Har kran man t'mare phoure rhoyedo, kamom i bibarht pral lende te anell, oun či rikras man kolestar pale.

4. Mose 14:19

Kanna sike tiro baro lačepen oun biste ko djoungelo koova kal menshendar yaake har tou boud kope lengri doosh bistral ap o drom dran o them Egiptia bis kate.”

4. Mose 16:21

“Djan kol menshendar krik, te marap len sik.”

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

5. Mose 9:28

Mouk i Egiptaryen gar te penell: O baro Devel nay anell len gar an ko them, kolestar yob penas, te dell lo les lenge. Mouk len gar te penell, te anal len vin an o moulo tato them dran tiri rholi, te merenn le kote.

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

Josua 7:9

I Kanaanitarya oun halauter, kay an kava them djivenn, kolenge penenn le kova. Oun hakeno shounell kova! Oun palle venn le oun denn men moulo. Hoy kameh tou palle te krell, te ačell tiro lab baro?”

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.