2. Mose 30:12 - O Debleskro Lab 2024 (Sinte-Manouche)

¹² Dik, har boud morsha hi mank i Israelitarya! Oun pen lenge, te hounte denn le man love, te ačenn le djido, te vell kek bibarht ap lende an kol divessa, kay venn lengre laba pre činlo.

O Debleskro Drom 2021 (Sinte)

¹² Dik, har bud mursha hi mank i Israelitarja! Un pen lenge, te hunte denn le man lowe, te atchenn le djido, te well kek bibacht ap lende an kol diwessa, kai wenn lengre laba pre tchinlo.

2. Mose 30:12 Iomraidhean Croise

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

1. Familjakro liil 21:12

“Kameh tou, te vell triin bersh i bari bok? Kameh, te nashess triin čon kolendar krik, kay kamenn tout te marell oun lenn tout o rhareha palla? Kameh, te vell triin divessa i baro nasslepen an o them? Kava nasslepen hi o baro Debleskro rharo, oun leskro bolepaskro marell boud menshen an o tselo them Israel. Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

1. Familjakro liil 21:14

Koy moukas o baro Devel i baro nasslepen pral o Israel te vell, oun 70.000 (efta-deesh-zerya) menshe meran.

1. Familjakro liil 21:3

O Yoab penas ap leste: “Miro baro ray, kamau o djiyestar, te dell tout o baro Devel sheel kope yaake boud menshen koy pashel, har kay hi. Yon halauter kamenn touke koy te vell oun rikrenn ap toute. Hoske kameh tou, miro ray, savo koova te krell oun djinell, har boud kolla hi? Hoske kameh te aness i doosh ap Israel?”

1. Familjakro liil 27:24

O Yoab, koleskri day i Serouya his, kras pes ap i boudi te činell i laba pre, oun hounte moukas tele, har vas o Debleskri rholi doleske pral o Israel. Oun yaake hi gar činlo an o familyakro liil o baro rayestar David, kitse morsha an o them Israel his, kay nay venn lourde.

2. Familjakro liil 24:6

Kote moukas o baro ray o pralstouno rashayes, o Yoyada, te kharell, oun penas ap leste: “Hoske dal tou gar yak, te lenn i Levitarya kol menshendar an o them Youda oun an o foro Yerusalem kol love o Debleskro khereske dren, yaake har penas glan i rah tsiro o Mose, koles o baro Debleskro vast his, te anenn i Israelitarya love o baro Debleskro plarhteno kheer.

2. Familjakro liil 24:9

Oun yon moukan vin gole te dell an o them Youda oun an o foro Yerusalem, te anell hakeno kol love o baro Debleske, yaake har i Israelitarya kova kran an o moulo tato them, har penas lenge kova o Mose, koles o baro Debleskro vast his.

Hiob 33:24

palle krell o bolepaskro peskro dji leske pre, oun penell ap o Debleste: “Le les vin, te hounte djal lo gar tele pash i moulende. Me hatsom leske i love, hoy les dran o merepen vin ginenn.”

Hiob 36:18

De yak, te anell tout tiri rholi gar ap i djoungelo drom! O Debles nay gineh tou gar, kitse love tou ninna deh!

Debleskri gili 49:7

Yon čivenn pengro patsepen ap pengro bravlepen, oun sharenn pen har bravele yon hi.

2. Mose 30:11

Oun o baro Devel penas ap o Mose:

4. Mose 31:49

oun penan ap leste: “Mer, tire boudepangre, lan pre, har boud lourde koy hi, kay men pral lende penepaske hi; oun halauter his koy.

4. Mose 31:50

Doleske anah mer o baro Debleske ko sonakaskro koova, hoy hakeno mendar hatsas: brassleta, vastengre verklia, goustria, kanengre oun verklia. Mer dah kova o baro Debleste, te playsras maro djipaske, te vell či tardo mank o baro Debleste oun mende.”

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Markus 10:45

Ninna o Mensheskro Čavo vas gar ap i phoub, te boudrenn i menshe leske. Na-a, yob vas ap i phoub, te vell lo lenge koy, oun te merell lo lenge. Oun yaake playsrell lo peskro djipah, te lell lo boud menshen dran o čilačepen oun o merepen vin.”

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.