2. Mose 3:7 - O Debleskro Lab 2024 (Sinte-Manouche)

⁷ Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

O Debleskro Drom 2021 (Sinte)

⁷ Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 3:7 Iomraidhean Croise

1. Mose 16:11

Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

1. Mose 18:21

Doleske kamau me tele te djal, te dikap: Hi kova ninna čačo, hoy rakedo vas? Oun te hi vavarčandes, kamau kova ninna te djinell.”

1. Mose 21:17

Oun o Devel shounas ko čaveskri gole. Oun o Debleskro bolepaskro das i Hagar gole dran o bolepen oun penas ap late: “Hoy hi tout, Hagar? Ma traash! O Devel shounas ko čaveskri gole, kote kay yob čiddo hi.

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

1. Mose 31:12

Koy penas yob: Me dikom halauter, hoy o Laban tout kras. Doleske krom me, kay kol tsele morsh bouzya, kay djan ap i firhende pre, kolen hi kotya vavar ballentsa: lengste oun sane kotya, ninna boud oun tikne kotya, ninna bare kotya.

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

2. Samuel 22:28

Tou veh ap i rig i čorvelenge, oun kol pre-phourden kreh tou tiknes.

2. Rajengro liil 13:4

Palle mangas o Yoakaz o baro Debles i ropaskri golyah, oun o baro Devel shounas les. Yob dikas, har o Israel tele rikedo vas, oun har o baro ray pral o them Syria lenge o djipen phares kras.

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

Nehemia 9:9

Oun tou dikal o pharo djipen mare phourendar an o them Egiptia, oun shounal lengri gole, har his le pash o Baro Lolo Pani.

Debleskri gili 106:44

Oun te dan le gole ap leste an pengre douka, oun yob dikas, har djoungeles lenge djal,

Debleskri gili 12:6

“Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.”

Debleskri gili 142:3

Leske penau lauter, hoy ap miro dji hi, oun moukau les te djinell, hoy mange phares hi.

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Debleskri gili 22:24

T'mer, kay o baro Debles an-mangenna, sharenn les! T'mer lauter dran o kheer Yakob, hadenn les pre! Oun darenn lestar, t'mer lauter dran o kheer Israel!

Debleskri gili 34:4

Givenn mantsa gilya o baro Debleske! Krenn leskro lab mantsa khetne baro!

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Debleskri gili 35:22

Baro Devel, tou dikal kova. Rike tout gar pale, rake! Miro ray, ma ab kanna dour mandar krik!

Debleskri gili 9:14

Ab lačes ap mande, baro Devel! Dik o čilačepen, hoy kolla mantsa krenna, kay hi moulo rhoyedo ap mande! Oun tserde tou man vin dran o merepaskro vast!

2. Mose 1:11

I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

2. Mose 1:8

Pal boud bersha vas i nevo baro ray an o them Egiptia. Kava djinas o Yosefestar či,

2. Mose 22:23

Oun me taprau savi bari rholi, te dau t'men o rhareha temerl, yaake te hi palle t'mare djouvyen bouder kek rom oun t'mare čaven bouder kek dades.

2. Mose 33:13

Te dikeh lačes ap mande, mouk man tiro drom te djinell. Me kamau tout feteder te hayvell, te krap, hoy mishto hi glan tire yaka. Biste kova gar: Kol menshe hi tire menshe.”

2. Mose 5:10

Koy djan kol pralstoune Egiptarya oun kol Israelitarya, kay dan yak ap i boudepangre, pash lende oun penan lenge: “O Farao penas, te das mer t'men bouder kek phouss.

2. Mose 5:6

Ap kava dives penas o Farao ap kol pralstoune Egiptarya oun ap kol pralstoune Israelitarya, kay dan yak ap i boudepangre:

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

4. Mose 20:16

Oun mer dam pal o baro Debleste gole. Kova shounas men oun bičras i bolepaskres. Oun yob anas men dran o them Egiptia vin. Kanna ham an Kadesh, i foro gar dour tiro themestar.

Bičepangre 7:34

Me dikom, har mire menshe rhan dava an o them Egiptia. Oun me shounom lengri gole oun lengro ropen, oun vom dran o bolepen tele, te lap len dran kava them vin. Oun me kamau, te djas tou an o them Egiptia.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”