2. Mose 3:6 - O Debleskro Lab 2024 (Sinte-Manouche)

⁶ Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

O Debleskro Drom 2021 (Sinte)

⁶ Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

2. Mose 3:6 Iomraidhean Croise

1. Mose 12:1

O baro Devel penas ap o Abrameste: “Dja vin dran tiro them! Mouk tire menshen oun tiro dadeskro kheer! Oun dja an ko them, hoy me sikrau toute!

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 17:3

Koy moukas pes o Abram ap i phoub te perell. Oun o Devel rakras leha oun penas:

1. Mose 24:12

Oun yob penas: “Baro Devel, o Devel miro rayestar Abraham, de man kanna barht ap miro drom! Oun ab miro rayeske Abraham lačo!

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:17

Oun yob daras oun penas: “Har darenes hi kay platsa, – hi čačepah o Debleskro kheer oun o voudar an o bolepen.”

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Mose 32:9

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

1. Rajengro liil 18:36

Oun har ko tsiro vas, kay rati o Debleskro rhapen anlo vas, djas o Eliya pash koy rhačepaskri oun kharas: “Baro Devel, tou o Devel o Abrahamestar, o Isaakestar oun o Israelestar, kava dives mou vell diklo, kay tou hal o Devel an Israel, oun me hom tiro boudepaskro, oun krom kava tselo koova yaake, har tou mange penal.

1. Rajengro liil 19:13

Har o Eliya kova shounas, čivas lo peskri plaashka glan peskro mouy, djas i kotar glan oun ačas tardo an i voudar an koy grotta. Oun i rakepen vas pash leste, hoy penas: “Hoy kameh tou kate, Eliya?”

Nehemia 9:9

Oun tou dikal o pharo djipen mare phourendar an o them Egiptia, oun shounal lengri gole, har his le pash o Baro Lolo Pani.

Ester 3:4

Oun yaake poučan le les hako dives. Oun yob penas lenge: “Me hom i biboldo oun nay vitsrau man gar tele glan o Haman.” Oun har yob gar ap lende shounas, djan le koy oun penan kova o Hamaneske. Yon kaman te dikell, hoy o Haman penell, te djinals lo, hoy o Mordekay kras.

Debleskri gili 132:2

Yob das pes sovel glan toute, o Yakobeskro zorelo Debleste, oun penas:

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

2. Mose 29:45

Oun me djivau mashkral i Israelitarya oun hom lengro Devel.

2. Mose 3:16

Dja kanna an o them Egiptia, oun de i phoureden i menshendar Israel khetne gole, oun pen ap lende: O baro Devel, ko Devel t'mare phoure dadendar, moukas pes te dikell glan mande. Yob hi o Devel, koles o Abraham, o Isaak oun o Yakob an-mangan. Oun yob penas ap mande: Me dom ap lauter yak, hoy yon t'mentsa an o them Egiptia kran.

2. Mose 33:20

Mire yaka oun miro mouy dikess tou gar. Kek mensho, kay dikas man, ačell djido.

2. Mose 4:5

Oun o baro Devel penas: “Mose, kre kava glan i Israelitarya! Palle patsenn le ap toute, te moukom man me, o baro Devel, glan toute te dikell. Palle djinenn le, te hom me o Devel, koles lengre phoure, o Abraham, o Isaak oun o Yakob an-mangan.”

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Jeremia 32:38

Yon hi mire menshe, oun me hom lengro Devel.

Ezekiel 11:20

Palle krenn le, hoy lendar kamau, oun djivenn pal mire čačepaskre laba. Oun yon hi mire menshe, oun me hom lengro Devel.

Zakarie 8:8

Me anau len khere oun moukau len an o foro Yerusalem te djivell. Yon te venn mire menshe. Oun me vau lengro Devel: Me moukau len gar, oun yon djivenn mantsa an o čačepen.”

Mateo 17:6

Oun har yon kova shounan, vitsran le pen i bari daryatar ap i phoub.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Markus 12:26

Djinenn t'mer gar, har an o Moseskro liil tardo hi, te venn i moule pale djido. O Devel penas ap o Moseste, har his yob tardo pash o bour, hoy rhačas: Me hom o Abrahameskro Devel oun o Isaakeskro Devel oun o Yakobeskro Devel.

Louka 20:37

Ninna o Mose činas, kay o Devel i moulen djido krella. Har o Mose glan o bour tardo his, hoy rhačas, penas lo ap o Debleste: Tou hal o Abrahameskro Devel, oun o Isaakeskro Devel, oun o Yakobeskro Devel.

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Bičepangre 7:32

Me hom o Devel tire phourendar, o Devel o Abrahamestar, o Isaakestar, oun o Yakobestar. Oun i bari traash vas ap o Moseste, har yob kova shounas, oun daryatar nay dikas lo gar kote pre.

Bičepangre 7:34

Me dikom, har mire menshe rhan dava an o them Egiptia. Oun me shounom lengri gole oun lengro ropen, oun vom dran o bolepen tele, te lap len dran kava them vin. Oun me kamau, te djas tou an o them Egiptia.

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

Hebrearja 12:21

Kova lauter, hoy i menshe kote dikan oun shounan, kras len yaake dareno, te penas ninna o Mose: Man hi savi daar, te trissenn mire herya.

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.

Čačepangre 13:22

Oun o Manoa penas ap peskri romni: “Kanna hounte meras! Mer dikam o Debles!”