2. Mose 3:4 - O Debleskro Lab 2024 (Sinte-Manouche)

⁴ Oun o baro Devel dikas, har vell o Mose, te dikell lo feteder. Oun o Devel das ap leste gole dran i bourra: “Mose! Mose!” Oun o Mose penas: “Kate hom.”

O Debleskro Drom 2021 (Sinte)

⁴ Un o baro Dewel dikas, har well o Mose, te dikell lo feteder. Un o Dewel das ap leste gole dran i burra: “Mose! Mose!” Un o Mose penas: “Kate hom.”

2. Mose 3:4 Iomraidhean Croise

1. Mose 22:1

Pal kava koova kamas o Devel te dikell, te shounell o Abraham ap leste o tselo djiyeha, oun penas ap leste: “Abraham!” Oun yob penas: “Kate hom.”

1. Mose 22:11

Koy das o baro Debleskro bolepaskro dran o bolepen gole: “Abraham, Abraham!” Penas yob: “Kate hom!”

1. Mose 28:16

Koy djangras o Yakob dran o sopen pre oun penas: “Čačepah, o baro Devel hi ap koy platsa. Oun me djinom kova gar.”

1. Mose 46:2

I rati rakras o Devel leha an i souni oun penas ap leste: “Yakob, Yakob!” Oun yob penas: “Ake hom.”

Debleskri gili 62:11

Ma patsenn, te lenn bravlepen, te djan ap yekeste i zoryah pre! Ma patsenn, te krell t'men kova bravelo, hoy čoran! Ninna te venn bravleder oun bravleder, ma čivenn t'mare djia pre!

2. Mose 19:3

Oun o Mose djas pre ap i berga pash o Debleste. Kote das o baro Devel ap leste gole: “Kava peness tou ap i Israelitarya, kol menshende, kay venna pal o Yakob:

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

2. Mose 33:12

O Mose penas ap o baro Debleste: “Tou penal mange, te anap me kal menshen an o them Kanaan. Tou sikral man gar, kones tou mantsa bičreh. Tou penal, te prindjreh man oun djineh miro lab, oun te dikeh lačes ap mande.

2. Mose 4:5

Oun o baro Devel penas: “Mose, kre kava glan i Israelitarya! Palle patsenn le ap toute, te moukom man me, o baro Devel, glan toute te dikell. Palle djinenn le, te hom me o Devel, koles lengre phoure, o Abraham, o Isaak oun o Yakob an-mangan.”

3. Mose 1:1

Oun o baro Devel das o Moses gole, oun rakras dran o Debleskro plarhteno kheer vin oun penas:

Bičepangre 10:13

Oun o Petro shounas, har yek penas: “Petro, ste pre, kre len moulo oun rha!”

Bičepangre 10:3

His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”

Bičepangre 9:4

Oun yob peras ap i phoub oun shounas i rakepen. Kova penas ap leste: “Saulo, Saulo, hoske leh tou man palla?”

5. Mose 33:16

Mou vell o them pherdo o feteder koova, yaake boud, te hi les boudeder har doha. Ko Devel, kay djivas an i soubyengre bourra, mou čivell peskro lačepen ap leste! O Yosef vas vi-rodedo mank peskre phralende, te vell lo lengro pralstouno.

1. Samuel 3:10

Kote vas o baro Devel oun his pash leste tardo, oun das les pale yaake gole har kol vavar kope: “Samuel! Samuel!” Oun o Samuel penas: “Rake, tiro boudepaskro shounella!”

1. Samuel 3:4

Kote das o baro Devel o Samueles gole. Oun kova penas: “Ake hom!”

1. Samuel 3:6

Kote das les o baro Devel gomme yek kopo gole: “Samuel!” Oun o Samuel stas pre oun djas pash o Eli oun penas: “Ake hom, tou dal man gole.” Oun o Eli penas: “Me dom tout gar gole miro čavo. Dja pale pale oun čip tout.”

1. Samuel 3:8

Oun o baro Devel das o triinto kopo ap o Samuel gole. Oun kova stas pre oun djas pash o Eli oun penas: “Ake hom, tou dal man gole.” Kanna hayvas o Eli, te dell o baro Devel o čaves gole.