2. Mose 3:18 - O Debleskro Lab 2024 (Sinte-Manouche)

¹⁸ Oun i phoureder shounenna ap tiro lab. Palle dja lentsa pash o baro rayeste pral o them Egiptia. Oun penenn ap leste: O baro Devel, koles i Hebrearya an-mangenna, vas pash mende. Kanna mouk men triin divessa dour an o moulo tato them te djal, te maras firhen maro Debleske.”

O Debleskro Drom 2021 (Sinte)

¹⁸ Un i phureder shunenna ap tiro lab. Palle dja lentsa pash o baro rajeste pral o them Egiptia. Un penenn ap leste: ‘O baro Dewel, koles i Hebrearja an-mangenna, was pash mende. Kanna muk men triin diwessa dur an o mulo tato them te djal, te maras viechen maro Debleske.’”

2. Mose 3:18 Iomraidhean Croise

1. Mose 12:1

O baro Devel penas ap o Abrameste: “Dja vin dran tiro them! Mouk tire menshen oun tiro dadeskro kheer! Oun dja an ko them, hoy me sikrau toute!

1. Mose 14:13

Oun yek kolendar, kay peske nashas, vas pash o Abrameste oun penas leske halauter. O Abram his i Hebreari. An ko tsiro djivas o Abram pash i bare rouka ko morshestar Mamre. Kova his i Amorari. Leskre phrala his o Eshkol oun o Aner. Kolla triin kran o Abrameha vin, te rikrenn yon khetne, oun dan pengro dadeskro vast koy pre.

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 48:3

Oun o Yakob penas ap o Yosefeste: “O zorelo Devel moukas pes mandar te dikell an o foro Louz an o them Kanaan. Oun yob rakras lače laba ap mande oun penas:

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 17:5

Oun o baro Devel penas ap leste: “Le morshen kol phourendar touha oun dja lentsa glan i Israelitarya! Le ninna ko kasht an tiro vast, hoy dal ap o pani Nil!

2. Mose 19:1

Oun i Israelitarya djan penge dran Refidim oun van an o moulo tato them Sinay. Ap kova dives his triin čonna, har nashan le dran o them Egiptia. Oun yon ačan glan i berga.

2. Mose 25:22

Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

2. Mose 3:16

Dja kanna an o them Egiptia, oun de i phoureden i menshendar Israel khetne gole, oun pen ap lende: O baro Devel, ko Devel t'mare phoure dadendar, moukas pes te dikell glan mande. Yob hi o Devel, koles o Abraham, o Isaak oun o Yakob an-mangan. Oun yob penas ap mande: Me dom ap lauter yak, hoy yon t'mentsa an o them Egiptia kran.

2. Mose 30:36

Palle kre les tiknes, yaake tiknes har djala, oun čip ninna lestar glan ko morhton, kay o Debleskre deesh laba dren hi, an o Debleskro plarhteno kheer, kote, kay vau me pash toute. Denn yak! Kava soungepaskro koova, hoy t'mer o Debleske kran, hi leske kokres!

2. Mose 30:6

Čip o sonakaskro bob glan o voudar dran o kouč kotar than. Pal ko voudar hi o morhton, kay o Debleskre deesh laba dren hi, oun kay o pralstouno kotar pre hi, hoy sikrella, kay o Devel peskre menshenge lačo hi.

2. Mose 4:1

O Mose poučas o baro Deblestar: “Hoy hi, te patsenn i Israelitarya gar, hoy me lenge penau, oun yon shounenn gar ap mande? Nay vell, yon penenna ap mande: O baro Devel moukas pes gar glan toute te dikell.”

2. Mose 4:23

Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

2. Mose 4:24

Oun har his o Mose ap o drom, djas lo an i kheer, kote ačas lo pral i rat. Ap yek kopo vas o baro Devel ap leste, oun kamas les te marell.

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

2. Mose 5:1

Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

2. Mose 5:3

O Mose oun o Aron penan ap o Farao: “O baro Devel, ko Devel, koles i Hebrearya an-mangenn, yob moukas pes glan mende te dikell. Kanna, mouk men triin divessa dour te djal an o moulo tato them. Mer kamah maro Debleske kote firhen te marell. Oun kova te krah mer gar, nay vell lo rhoyedo ap mende, yaake te vell baro nasslepen oun kourepen ap mende.”

2. Mose 7:16

Oun pen ap leste: O baro Devel, o Devel pral i Hebrearya, bičras man pash toute, oun moukell touke te penell: Mouk mire menshen te djal, te mangenn le man an an o moulo tato them. O tselo tsiro shounal tou gar.

2. Mose 8:1

Oun o baro Devel penas ap o Mose: “Pen ap o Aron, te rikrell lo peskro kasht pral i tsele panya, kolla, hoy nashenna oun kolla, hoy tardo hi! Oun mouk i djambe pral o tselo them Egiptia pre te vell.”

2. Mose 8:20

Oun o baro Devel kras kova yaake. Oun i matsille, hoy čourye denn, van an o Faraeskro kheer oun an i khera kol pralstunendar oun an o tselo them Egiptia. Yaake vas kova i bari bibarht o tselo themeske.

2. Mose 8:23

Triin divessa kamah mer te nashell dour an o moulo tato them dren, oun kote kamah mer maro baro Debleske firhen te marell, yaake har yob menge penas, te hounte kras kova.”

2. Mose 9:1

Kote penas o baro Devel ap o Mose: “Dja pash o Farao dren oun pen leske: Kava penell o baro Devel, o Devel pral i Hebrearya: Mouk mire menshen te djal, te nay mangenn le man an.

2. Mose 9:13

Kote penas o baro Devel ap o Moseste: “Taysarla ste sik pre, dja glan o Farao oun pen ap leste: Kava penell o baro Devel, o Devel pral i Hebrearya: Mouk mire menshen te djal, te nay mangenn le man an.

Jesaja 64:5

Kanna vam halauter glan toute har yek, kay pale-čiddo hi. Ninna o čačo koova, hoy kram, hi har i ratli baya ap mende. Mer halauter vam har moule patria. Mari doosh hidjrell men krik, har i dourho moule patria krik phourdell.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

4. Mose 17:4

Oun o rashay Elazar las kol sasterne pirya, hoy anan kolla, kay his djides rhačedo, oun das i pirya bourhlo, te venn le troul o Debleskri rhačepaskri dino,

Josua 1:17

Yaake har mer ap o Mose shounam, yaake shounah mer ap toute. Mou vell o baro Devel, kay tiro Devel hi, yaake touha, har lo o Moseha his!