2. Mose 3:17 - O Debleskro Lab 2024 (Sinte-Manouche)

¹⁷ Me dau miro vast pre: Kava djoungelo djipen herell pes pre. Me, o baro Devel, lau t'men dran o them Egiptia vin, oun anau t'men an ko them, kay djivenna i Kanaanitarya, i Hetarya oun i Amorarya, i Perisarya, oun i Hivarya oun i Yebousarya. Oun kova hi i them, kay hi boud thoud oun gvin.

O Debleskro Drom 2021 (Sinte)

¹⁷ Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 3:17 Iomraidhean Croise

1. Mose 46:4

Me djau touha an o them Egiptia. Oun čačepah me anau tout pale pale. Oun te mereh, krell o Yosef tire yaka pandlo.”

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Mose 50:25

Oun o Yosef kamas te denn pen o Israeleskre čave sovel oun penas ap lende: “Te anell o Devel t'men khere, lenn man t'mentsa!” Oun yon dan pen sovel glan leste.

1. Familjakro liil 1:15

oun i Hivarya, i Arkarya, oun i Sinarya,

Debleskri gili 102:21

te shounell lo o ropen kolendar, hoy stilde hi, te krell lo i shelle pre kol menshendar, kay an o merepen hi.

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

2. Mose 33:3

Yaake anau t'men an ko them, kay hi boud thoud oun gvin. Me vau gar t'mentsa. T'mer djivenn pal t'maro shero oun kamenn gar te shounell. Oun me doms nay t'men moulo ap o drom, te djoms t'mentsa.”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jeremia 11:5

Palle rikrap nay koy sovel dren, hoy dom len, oun dap len ko them, kay thoud oun gvin nashenna, yaake har kova kay dives hi. Me penom: Ava, baro Devel, yaake hi kova.

Jeremia 32:22

Oun dal tire menshen kava them, har tou tout sovel dal glan lengre phourende, te dess les lenge, – i them kay boud thoud oun gvin hi.

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

3. Mose 20:24

T'menge penau: Lengro them dau t'mende, te vell lo t'maro. Kova hi i them, kay boud thoud oun gvin hi. Me, o baro Devel, hom t'maro Devel, oun rodom t'men mange dran i vavar themma vin.

4. Mose 13:27

Oun yon penan: “Mer vam an ko them, kay tou bičral men. Oun čačepah an ko them hi boud thoud oun gvin. Dikenn i drake, fayge oun phabya, hoy kote bares van!

5. Mose 26:9

Oun yob anas men kay oun das men kava them, hoy yaake lačo hi te nashell thoud oun gvin koy.

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

Josua 9:1

Oun kova, hoy i Israelitarya kran, shounan i tsele bare raya, hoy ap i vavar rig o panyestar Yordan djivan, an o pralstouno them oun ninna an o telstouno them oun pash o Baro Pani bis pash i berge Libanon. Kal bare raya his i raya pral o them Het, pral o them Amor, pral o them Kanaan, pral o them Peris, pral them Hiv oun pral o them Yebous.