2. Mose 3:1 - O Debleskro Lab 2024 (Sinte-Manouche)

¹ O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

O Debleskro Drom 2021 (Sinte)

¹ O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

2. Mose 3:1 Iomraidhean Croise

1. Rajengro liil 19:19

Oun o Eliya djas doureder oun hatsas o Elisa, koleskro dad o Shafat hi. Oun o Elisa boudras ap i kotar phoub. Glan leste djan deesh-te-yek boudepangre, hakeno douy groumyentsa, kay hadan i phoub trouyel. Yob kokres his o deesh-te-douyto, kay djas glan douy groumya. Kote djas o Eliya pash leste oun vitsras leske leskri plaashka trouyel.

1. Rajengro liil 19:8

Kote stas lo pre oun rhas oun piyas, oun djas an kay rhapaskri zoor star-deesh divessa oun star-deesh ratsya, bis te vas lo ap o Debleskri berga, o Horeb.

Debleskri gili 106:19

Pash i berga Horeb kran le penge i sonakaskri terni groumni, vitsran pen glan late tele oun mangan lat an.

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

2. Mose 18:12

Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 19:3

Oun o Mose djas pre ap i berga pash o Debleste. Kote das o baro Devel ap leste gole: “Kava peness tou ap i Israelitarya, kol menshende, kay venna pal o Yakob:

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

2. Mose 2:18

Har van i ča khere pash pengro dadeste, o Regouel, poučas lo len: “Hoske van t'mer yaake sik pale?”

2. Mose 2:21

O Regouel poučas o Mosestar, te ačell yob pash leste, oun o Mose penas: “Ava! Mishto!” O rashay das peskri čay, i Sefora, leste, te romedinerell yob lat.

2. Mose 24:13

Koy djas o Mose pre ap o Debleskri berga. Leskro boudepaskro Yosua djas leha.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

2. Mose 3:5

Penas o Devel: “Ma dja doureder! Rib tire kirrha vin! Kay tou tardo hal, hi o Debleskri phoub.”

2. Mose 33:6

Yaake čivan i Israelitarya pengro sonakay oun roup tele, har his le pash i berga Horeb.

2. Mose 4:18

Oun palle djas o Mose pash peskro romyakro dadeste, o Yetro, pale, oun penas leske: “Me kamau pale an o them Egiptia pash mire menshende te djal, te dikap, te hi le djido!” Oun o Yetro penas ap o Moseste: “Dja o Debleha!”

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

4. Mose 10:29

Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”

4. Mose 10:33

Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

Louka 2:8

Glan o foro Betlehem dan i bakrengre yak ap pengre bakre an koy rat.

Bičepangre 7:30

Star-deesh bersha pal kova his o Mose an o moulo them pash koy berga Sinay. Koy moukas pes i Debleskro bolepaskro glan leste te dikell an i soubyengro bour, hoy rhačas.

5. Mose 1:2

[Deesh-te-yek divessa hi o drom lengsto mank i berga Horeb oun o foro Kadesh-Barnea ap i berge Seir.]

5. Mose 1:6

Maro baro Devel rakras mentsa pash i berga Horeb oun penas: Doha hans kanna pash kay berga:

5. Mose 4:10

hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

Čačepangre 4:11

Ap i platsa, hoy kharell Zaanannim pash o foro Kedesh djivas o Kenari Heber an i plarhteno kheer tel i baro rouk. Glan i tsiro moukas yob peskre menshen. Kolla his čave oun čavengre čave o Moseskri romyakro dadestar, o Hobab.

1. Samuel 16:11

Palle poučas o Samuel o Isayestar: “Hi kalla tire tsele morsh čave?” Yob penas: “O terneder lendar hi gomme gar koy. Kova hi vin oun dell yak ap i bakre.” Oun o Samuel penas ap o Isay: “Biče yekes koy, te anell lo les. Mer beshah gar te rhas, bis te yob kay hi.”