2. Mose 28:3 - O Debleskro Lab 2024 (Sinte-Manouche)

³ Rake kolentsa, kolen me lače vasta oun o gosvepen dom, te hayvenn le mishto te sivell. Pen lenge, te krenn le ripya o Aroneske, te vell yob mange i rashay.

O Debleskro Drom 2021 (Sinte)

³ Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

2. Mose 28:3 Iomraidhean Croise

2. Mose 35:10

Koon mank t'mende hayvell shoukar koova te krell, kova te vell oun boudrell mentsa, te nay kras mer, hoy o baro Devel penas menge:

2. Mose 35:25

I tsele djouvya, kay hayvan mishto thaba dran kouč bakrengro bal te krell, kran kova oun anan yaake thaba, hoy blaueto, lolo, oun lolo har yag kerdo vas, ninna lačo layntikro than.

2. Mose 35:30

O Mose penas ap o Israelitarya: “Shounenn, o baro Devel rodas o Bezalel vin. Leskro dad hi o Ouri, oun leskro papo hi o Hour, dran o kheer Youda.

2. Mose 35:31

O baro Devel čivas peskro dourho an o Bezalel, oun das les gosvepen oun vasta, hoy hayvenn mishto te boudrell,

2. Mose 35:35

O baro Devel das kol douyen, o Bezalel oun o Oholiab, o gosvepen, te hayvenn le mishto sonakaskro koova te krell, ninna shoukar plarhte dran lačo layntikro than oun dran kouč bakrengro bal, hoy blaueto, lolo oun lolo har yag kerdo vas. Ninna nay sivenn le shoukar koova an kol kotya than. Yaake nay krenn le haki boudi, oun hayvenn, an pengro shero glan-vi te dikell, har te krenn le lat.

2. Mose 36:1

O Bezalel, o Oholiab oun kol vavar, kolen o baro Devel o gosvepen oun vasta das, te hayvenn le mishto halauter te krell, hoy lo penas, kolla te krenn leske kanna i kheer oun kol tsele koola, hoy koy dren hi.”

2. Mose 36:2

O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Jesaja 11:2

Oun ap koleste vell o dourho o baro Deblestar čiddo, oun dell les o gosvepen, te hayvell lo boud koova, oun djinell, hoy te krell lo. Ko Debleskro dourho dell les ninna i zoor koleske, oun sikrell les, har o baro Devel hi, oun har te djivell lo leha.

Efesarja 1:17

te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

5. Mose 34:9

Oun o Yosua, koleskro dad o Noun his, vas pherdo gosvepen. Kova vas, har čivas o Mose peskre vasta ap leste. Oun i Israelitarya shounan ap leste oun kran yaake har o baro Devel o Moseske penas, te hounte krenn le.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.