2. Mose 27:16 - O Debleskro Lab 2024 (Sinte-Manouche)

¹⁶ Kote, kay veh ap i platsa, čip star pesse kashta ap star herya, te kress i baro voudar. An o voudar vell i bari plarhta pandlo. Koya kress an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Kay plarhta vell deesh metarya bourhlo.

O Debleskro Drom 2021 (Sinte)

¹⁶ Kote, kai weh ap i platsa, tchip star pesse kashta ap star herja, te kress i baro wudar. An o wudar well i bari plachta pandlo. Koja kress an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was. Kai plachta well deesh metarja buchlo.

2. Mose 27:16 Iomraidhean Croise

Debleskri gili 45:14

I baro rayeskri čay vell dren, shoukar oun raylo kerdo, oun an-rido an sonakangre ripya.

2. Mose 26:31

Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre dren sido an shoukar vastengri boudi.

2. Mose 26:36

Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas.

2. Mose 27:17

I tsele pesse kashta, hoy troul i platsa tardo hi, kolen hi herya dran lolo saster oun roupene rikepangre oun roupene shelle, hoy rikrenn kol layntikre kotya.

2. Mose 28:39

Kre o gad dran i lačo layntikro kotar than an shoukar vastengri boudi. Kre ninna o shereskro pandepen dran lačo layntikro than, oun i pereskro pandepen an shoukar vastengri boudi.

2. Mose 36:37

Oun yon kran i bari plarhta, te vell li an o voudar, kote kay yek dren djal an o kheer. Yon kran les an shoukar vastengri boudi dran lačo zorelo layntikro than, kay kouč bakrengro bal dren hi, hoy blaueto, lolo oun lolo har yag kerdo vas.

2. Mose 39:29

Oun o Aroneske kran le i pereskro pandepen an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Lauter kran le yaake har o baro Devel o Moseske penas.

4. Mose 3:26

ninna kol plarhte, kay hi troul i platsa, hoy glan o kheer hi, kay ninna i sasterni rhačepaskri hi, kay firhe o Debleske rhačedo venna. Ninna denn le yak ap koy plarhta an o voudar glan koy platsa oun ap i shelle oun ko vavar koova, hoy koy pashel hi.

Čačepangre 5:30

Čačepah hatsan le boud, hoy yon peha lenn, shoukar bravlepen hakeneske: Yek rakli, douy raklia hako morsheske, oun kouč shoukar ripya o Sisereske, ninna menyakre dikle, kay shoukar koova dren sido hi.