2. Mose 26:36 - O Debleskro Lab 2024 (Sinte-Manouche)

³⁶ Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas.

O Debleskro Drom 2021 (Sinte)

³⁶ Kre ninna i plachta, hoi well an ko wudar, kai weh dren an o kheer. Kre lat an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was.

2. Mose 26:36 Iomraidhean Croise

2. Samuel 7:6

Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

2. Mose 26:31

Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre dren sido an shoukar vastengri boudi.

2. Mose 27:16

Kote, kay veh ap i platsa, čip star pesse kashta ap star herya, te kress i baro voudar. An o voudar vell i bari plarhta pandlo. Koya kress an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Kay plarhta vell deesh metarya bourhlo.

2. Mose 28:15

Mouk i bečeskri possita yaake te krell, har kran le o rashayeskri damdira: dran i lačo zorelo layntikro kotar than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas. An koy possita hi kol douy tikne koola dren, hoy lell o rashay, te hatsell lo vin, hoy o Devel peskre menshendar kamella.

2. Mose 28:39

Kre o gad dran i lačo layntikro kotar than an shoukar vastengri boudi. Kre ninna o shereskro pandepen dran lačo layntikro than, oun i pereskro pandepen an shoukar vastengri boudi.

2. Mose 35:11

ko Debleskro plarhteno kheer peskre plarhtentsa, peskre rikepangre, činle kashta, pandepangre kashta oun pesse kashta ap herya;

2. Mose 35:15

ko bob, kay ko soungepaskro koova rhačedo vella oun leskre hidjepaskre kashta; ko makepaskro djet; ko kouč soungepaskro koova; koy plarhta an o khereskro voudar;

2. Mose 36:37

Oun yon kran i bari plarhta, te vell li an o voudar, kote kay yek dren djal an o kheer. Yon kran les an shoukar vastengri boudi dran lačo zorelo layntikro than, kay kouč bakrengro bal dren hi, hoy blaueto, lolo oun lolo har yag kerdo vas.

2. Mose 38:18

Oun koy bari plarhta, hoy vell pandlo an o voudar glan i glanstouni platsa kran le an shoukar vastengri boudi dran lačo zorelo layntikro than, kay ninna kouč bakrengro bal dren hi. Kova his blaueto oun lolo oun lolo har yag. Koy plarhta his deesh metarya lengsto oun douy-te-paash metarya baro, yaake baro har ninna i vavar layntikre kotya hi, hoy troul i platsa pandlo venn.

2. Mose 39:29

Oun o Aroneske kran le i pereskro pandepen an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Lauter kran le yaake har o baro Devel o Moseske penas.

2. Mose 39:33

Oun yon anan lauter pash o Moseste: kol plarhte o Debleskro khereske oun leskre tsele koola: rikepangre, činle kashta, pandepangre kashta, oun pesse kashta ap herya;

2. Mose 40:5

Glan o morhton, kay o Debleskre deesh laba dren hi, čip o sonakaskro bob, kay soungepaskro koova rhačedo vella! Oun an o voudar pande koy bari plarhta pre!

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.

4. Mose 3:25

Lengri boudi pash o Debleskro kheer hi, te denn le garda ap kova, hoy vin ap o kheer hi: kol plarhte, hoy čakrenn o kheer, koy plarhta an o khereskro voudar,

4. Mose 9:15

Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.