2. Mose 26:14 - O Debleskro Lab 2024 (Sinte-Manouche)

¹⁴ Palle kre i vavar kotar dran bakrengri ledertikre plarhte, hoy tou loles kral. Kova vell čiddo pral o Debleskro plarhteno kheer. Oun pral koleste vell i vavar kotar dran lače ledertikre plarhte čiddo.

O Debleskro Drom 2021 (Sinte)

¹⁴ Palle kre i wawar kotar dran bakrengri ledertikre plachte, hoi tu loles kral. Kowa well tchiddo pral o Debleskro plachteno kheer. Un pral koleste well i wawar kotar dran latche ledertikre plachte tchiddo.

2. Mose 26:14 Iomraidhean Croise

Debleskri gili 27:5

An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

2. Mose 25:5

Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia,

2. Mose 26:13

Oun serves oun čačes mouk yek paash metari pral tele bladell, te vell o kheer ap kol douy rigya čakedo.

2. Mose 35:23

Kones kouč bakrengro bal his, hoy blaueto, lolo oun lolo har yag kerdo vas, kova anas les pash o Moseste, ninna lačo layntikro than, bouzyengre balla, bakrengri ledertikre plarhte, hoy lolo kerdo van, oun vavar lače ledertikre plarhte.

2. Mose 35:7

Bakreskri ledertikre plarhte, hoy lolo kerdo van, vavar lače ledertikre plarhte oun kasht ko roukestar, hoy kharella Akatsia,

2. Mose 36:19

Oun yon kran yek baro kotar dran bakrengri ledertikre plarhte, hoy le lolo kran, te čivenn le les pral o Debleskro plarhteno kheer, oun pral koleste i vavar kotar dran lače ledertikre plarhte.

2. Mose 39:34

kol plarhte, hoy čakrenn o kheer: ko kotar dran bakrengri ledertikre plarhte, hoy le lolo kran oun ko vavar kotar dran lače ledertikre plarhte. Ninna anan le ko kouč kotar than o voudareske;

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 4:6

har i kheer, kay djan le dren, te rhačrell o kham tella, oun kay nay khatrenn le pen, te dell brishin oun phourdell i zorelo dourho.

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.

4. Mose 4:10

Troul kova halauter čivenn le i lači ledertikri plarhta, oun čivenn kova ap i hidjepaskre kashta.

4. Mose 4:25

Yon hidjrenn kol plarhte, hoy čakrenn o Debleskro kheer, koy telstouni layntikri plarhta, koy plarhta dran bakrengro bal, hoy vell koy pre oun koy lači ledertikri plarhta, hoy vell pral pre čiddo. Ninna hidjrenn le ko kouč kotar than, hoy an ko voudar hi an o Debleskro kheer,

4. Mose 4:5

Ap ko tsiro, kay stenn i Israelitarya pre, te djan le doureder, djal o Aron peskre čaventsa an o Debleskro kheer, oun yon lenn ko kouč kotar than tele, hoy an o voudar glan o kouč isema hi. Ko kotar than čivenn le troul o sonakaskro morhton, kay o Debleskre deesh laba dren hi.