2. Mose 24:3 - O Debleskro Lab 2024 (Sinte-Manouche)

³ Oun o Mose vas pash i menshende oun penas lenge hako lab, hoy o baro Devel penas, kol tsele laba, hoy penenn, hoy yob lendar kamella. Oun i tsele Israelitarya penan har dran yek mouy: “Lauter, hoy o baro Devel penas, kamah mer te krell.”

O Debleskro Drom 2021 (Sinte)

³ Un o Mose was pash i menshende un penas lenge hako lab, hoi o baro Dewel penas, kol tsele laba, hoi penenn, hoi job lendar kamella. Un i tsele Israelitarja penan har dran jek mui: “Lauter, hoi o baro Dewel penas, kamah mer te krell.”

2. Mose 24:3 Iomraidhean Croise

2. Familjakro liil 15:14

Yon dan pen sovel glan o baro Debleste i bari golyah oun gipah oun bashepah ap i phourdepangre.

2. Familjakro liil 15:15

Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.

Debleskri gili 50:5

“Anenn mange mire menshen khetne, kay mantsa vin kran, te vap me lengro Devel, oun mange firhen anan.”

2. Mose 19:8

Oun i tsele menshe penan har dran yek mouy: “Lauter kova, hoy o baro Devel penas, kova kamah te krell.” Oun o Mose penas o baro Debleske, hoy i tsele Israelitarya penan.

2. Mose 24:2

Tou, o Mose, ab kokres pash mande! Kolla vavar venn gar pash mande! Oun i tsele vavar Israelitarya ačenn tele glan i berga!”

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

Jeremia 34:13

Kava penell o baro Devel, kay o Israeleskro Devel hi: Me krom t'mare phourentsa vin, har anom len dran o them Egiptia vin, kay yon pandle boudepangre his,

Haggai 2:5

Me dom t'men miro lab, har tserdan vin dran o them Egiptia. Me ačau pash t'mende. Ma darenn!

Maleachi 2:10

Men halauteren hi yek dad! O emligo Devel kras men halauter! Hoske phoukrell ko yek ap o vavareste, oun rikrell pes gar ap kova, hoy o baro Devel mare phourentsa vin kras?

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

5. Mose 5:31

Tou, ač kay pash mande! Oun me penau touke o tselo lab, halauter hoy t'mendar kamau, oun mire tsele čačepaskre laba. Kolla lauter peness lenge, te djivenn le pal lende an ko them, hoy me dau lende, te lenn le les lenge dren.”

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

Josua 24:21

Oun i tsele menshe penan pale ap o Yosua: “Čačepah, o baro Devel hi kova, koles kamah an-te-mangell.”

Josua 24:22

Kote penas o Yosua ap i tsele menshende: “T'mer han kolla, kay dikan oun shounan, har t'mer penan: Mer rodam o baro Debles vin, te mangas les an.” Oun yon penan: “Ava, yaake hi kova.”

Josua 24:24

Oun i tsele menshe penan ap o Yosua: “O baro Debles, kay maro Devel hi, koles kamah an-te-mangell. Oun ap kova, hoy yob penella, kamah mer te shounell.”