2. Mose 24:16 - O Debleskro Lab 2024 (Sinte-Manouche)

¹⁶ Oun o raylepen o baro Deblestar moukas pes tele ap i berga Sinay. Oun i folka čakras i berga shob divessa. Oun ap o eftato dives das o baro Devel dran koy folka ap o Moseste gole.

O Debleskro Drom 2021 (Sinte)

¹⁶ Un o railepen o baro Deblestar mukas pes tele ap i berga Sinai. Un i wolka tchakras i berga shob diwessa. Un ap o eftato diwes das o baro Dewel dran koi wolka ap o Moseste gole.

2. Mose 24:16 Iomraidhean Croise

Debleskri gili 99:7

Dran i folka rakras lo lentsa, oun yon rikran leskre laba, oun kran, hoy yob lendar kamas.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 19:9

Kote penas o baro Devel ap o Mose: “Shoun, an i pessi folka khatemen vau me pash toute. Yaake te nay shounenn i tsele Israelitarya, hoy me touke penau, yaake te patsenn le tout hako tsireske.” Oun o Mose penas o baro Debleske, hoy i Israelitarya penan.

2. Mose 20:10

O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tire firhe, vitar gar kol vi-themarya, kay an tiro foro djivenna.

2. Mose 24:17

O raylepen o baro Deblestar his glan i Israelengre yaka har i bari yag, hoy pral ap koy berga rhačella.

Jesaja 4:5

Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

3. Mose 9:23

Oun o Mose oun o Aron djan pale an o Debleskro plarhteno kheer. Oun har le pale vin van, rakran le o Debleskri barht vin pral i tsele menshende. Kote sikras pes o baro Debleskro raylepen glan i tsele menshende.

3. Mose 9:6

oun o Mose penas: “O baro Devel penas, te krenn t'mer kava, te sikrell lo pes t'menge an peskro raylepen.”

4. Mose 14:10

Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.