2. Mose 23:7 - O Debleskro Lab 2024 (Sinte-Manouche)

⁷ Ma shoun ap kolende, hoy anenn rhorhepen pre ap i vavareste! Ma pen, te vell kova temerl dino, kay kek čilačo koova kras oun kay an o čačepen tardo hi. Miri phagi vell ap koleste, kay savo čilačo koova krella.

O Debleskro Drom 2021 (Sinte)

⁷ Ma shun ap kolende, hoi anenn chochepen pre ap i wawareste! Ma pen, te well kowa temerl dino, kai kek tchilatcho koowa kras un kai an o tchatchepen tardo hi. Miri phagi well ap koleste, kai sawo tchilatcho koowa krella.

2. Mose 23:7 Iomraidhean Croise

1. Mose 18:23

Oun o Abraham djas pash leste oun penas: “Kameh tou čačepah lauteren temerl dell, kolen, kay kek čilačepen kran – khetne kolentsa, kay čilačo hi?

Hiob 22:23

Te veh tou pale pash o zorelo Debleste, krell lo tout pale zorelo. Čip o čilačepen dour krik dran tiro kheer!

Debleskri gili 119:29

Rike man pale i rhorheno dromestar! An tiro lačepen sike man, har te djap ap tiro drom.

Debleskri gili 94:21

Yon čivenn pen khetne, te anenn le doosh ap koleste pre, kay an o čačepen tardo hi, oun denn koles i phagi, koles kek doosh hi, te vell lo maredo.

2. Mose 20:13

Ma mare kekes!

2. Mose 20:16

Ma an kek rhorhepen pre ap yekeste!

2. Mose 23:1

Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

2. Mose 34:7

Me sikrau miro lačepen ap lengre čavende oun kolengre čavende oun kolengre čavende oun zerya kope yaake doureder. Oun bistrau lengri doosh oun lau lengro čilačepen krik. Koles, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar, djivan.”

Gosewe laba 11:21

Tou nay deh tiro vast koy pre: O čilačo lell peskri phagi. Kolla, kay an o čačepen tardo hi, venn vin lino dran o merepen.

Gosewe laba 17:15

Kova hi douy kope i djoungelo koova glan o baro Debleskre yaka: te rakrell yek koles čačes, kay doosh ap peste las, oun ninna, te čivell yek doosh ap koleste, kay o čačepen kras.

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

Jesaja 5:20

Djungelo djal kolenge, kay penenn ap o čilačepen kova hi lačo, oun ap o lačepen kova hi čilačo. I rati kharenn le dives, oun o dives kharenn le rati. Shoutlo koova hi lenge goudlo, oun goudlo koova hi lenge shoutlo.

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

Nahum 1:3

O baro Devel vell gar sik rhoyedo. Les hi bari zoor, oun čačepah, hakeneste, kay doosh ap peste anas, dell yob peskri phagi. Kote, kay o baro Devel djal, phourdell i zorelo dourho. Oun i volke hi har koy čik, hoy leskre pire pre vitsrenn.

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

5. Mose 25:1

Te vell i čingepen mashkral morsha pre, oun yon glan čačepangre morshende stakrenn, oun o čačepen vell vin kerdo, palle vell pral koleste, kay an o čačepen his, glan halauterende vin rakedo, te hi yob an o čačepen. Oun pral koleste, koles doosh his, vell glan halauterende vin rakedo, te hi les doosh.

5. Mose 27:25

“Praasedo vell kova, kay i vavarestar love lell, te dell lo koleske i vavares moulo, ap koleste kek doosh hi.” Oun i tsele menshe hounte penenn: Amen!

1. Tessalonikarja 5:22

Rikrenn t'men pale dran hako čilačo koova!