2. Mose 23:1 - O Debleskro Lab 2024 (Sinte-Manouche)

¹ Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

O Debleskro Drom 2021 (Sinte)

¹ Tu rakress kek koowa dureder, hoi tu shunal, un tu gar djineh, te hi kowa tchatcho! Ma choche i wawareske, kai anas doosh ap peste!

2. Mose 23:1 Iomraidhean Croise

1. Mose 39:17

Ninna ap leste penas yoy kol laba: “Ko Hebreari, koles anal pash mende, vas pash mande, te krell yob dinelo koova mantsa.

2. Samuel 16:3

Koy poučas o baro ray lestar: “Kay hi o Mefi-Boshet, tiro rayeskro čavo?” Penas o Siba: “Yob ačas an o foro Yerusalem. Yob patsella, kay dives denn les i Israelitarya o rayeskri beshepaskri leskro papestar Saul pale.”

2. Samuel 19:27

“Miro baro ray”, penas yob, “tou djineh, kay hom bango. Me penom ap miro boudepaskro Siba, te čivell lo i ledertikri plarhta ap i esla, te beshap koy pre oun klissap pash o baro rayeste. Oun miro boudepaskro rhorhras man.

Debleskri gili 101:5

Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell.

Debleskri gili 120:3

Hoy te krell lo t'mentsa, t'mer rhorhene? Havi phagi anell lo ap t'mende?

Debleskri gili 15:3

vitar kek djounglepen pral yekeste penella. Kova, kay peskro maleske kek čilačepen krella, oun kolen gar praasella, kay pash leste djivenna.

Debleskri gili 27:12

Ma de man an lengre vasta! Dik, menshe hi koy, kay rhorhepen ap mande pre anan, oun ladjenn pen gar, te denn le man trad.

Debleskri gili 35:11

Rhorhene venna, oun anenn doosh ap mande. Yon poučenn mandar, hoy me gar djinau.

2. Mose 20:16

Ma an kek rhorhepen pre ap yekeste!

2. Mose 23:7

Ma shoun ap kolende, hoy anenn rhorhepen pre ap i vavareste! Ma pen, te vell kova temerl dino, kay kek čilačo koova kras oun kay an o čačepen tardo hi. Miri phagi vell ap koleste, kay savo čilačo koova krella.

Gosewe laba 10:18

Koles hi i rhorheno mouy, kay peskri rholi ap i vavareste khatrell. Oun kova, kay rhorhepen pral i vavareste rakrell, hi i dinelo.

Gosewe laba 12:17

I morsh o labestar rakrell o čačepen vin. I rhorheno, kay dell glan, te penell lo, hoy lo dikas oun shounas, anell rhorhepen pre.

Gosewe laba 14:5

Te penell i morsh o labestar, hoy lo dikas oun shounas, rakrell lo o čačepen. Te penell i rhorheno, hoy lo dikas oun shounas, anell lo rhorhepen pre.

Gosewe laba 17:4

Kova, kay čilačo koova krell, shounell ap midjak rakepen. Oun i rhorheno shounell ap save laba, hoy bibarht anenn.

Gosewe laba 19:28

Yek, kay hounte penell, hoy lo dikas oun shounas, oun kay či moldo hi, leske hi o čačepen sapaske. Oun čilače menshe rhan o čilačepen har maro.

Gosewe laba 19:5

Kova, kay rhorhras, har penas lo, hoy lo dikas oun shounas, kova lell peskri phagi. Oun kova kay rhorhepen pre anas, kova vell tapedo oun nay nashell gar peske.

Gosewe laba 19:9

Kova, kay rhorhras, har penas lo, hoy lo dikas oun shounas, kova lell peskri phagi. Oun kova hoy rhorhepen pre anell, kova nashrell peskro djipen.

Gosewe laba 21:28

Kova, kay rhorhras, har penas lo, hoy lo dikas oun shounas, ap koleskro shero vell leskro rhorhepen pale. Ko morsh, kay mishto shounas, hoy leske penlo vas, koles moukenn le rakrell, oun hoy yob penell, ačell lenge an o shero.

Gosewe laba 24:28

Ma an rhorhepen pre ap i vavareste! Pen o čačepen!

Gosewe laba 25:18

Kova, kay ap i vavareste rhorhepen pre anell, savo hi har i tover, oun i rharo, oun činell har i čouri.

Gosewe laba 25:23

I phourdepen oun kale volke anenn brishin, oun i čip, hoy pal o vast rakrell, anell rholi.

Gosewe laba 6:19

yek, kay čomone ap i vavareste pre anell, hoy gar čačo hi; yek, kay anell čingepen mank phralende.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

Mateo 19:18

Koy poučas lo lestar: “Hoy hounte krap?” Penas o Yezous: “Ma mare kekes! Ma rhorhe tiri romyat i vavar djouvyah! Ma čore! Ma pen rhorhepen pral yekeste!

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

Johanni 7:51

“Pal maro čačepen nay dah kekes i phagi, te shounam gar lestar, hoy yob rakrell pral kova vin. Mer dah ninna kekes i phagi, te djinah gar, hoy yob kras.”

Remarja 3:8

Kras čilačo koova, te vell lačo koova dran koleste!” Hi menshe koy, kay rakrenn djoungeles pral mende oun penenn, mer penams i menshenge: “Kras čilačo koova, te vell lačo koova dran koleste!” Kova penah mer gar! Čačepah, kolla, kay penenn kova, lenn pengri phagi.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

5. Mose 5:20

Ma an kek rhorhepen pre ap yekeste!

2. Timoteo 3:3

Len hi kek dji i vavarenge. Yon venn gar pale lačes pal o čingepen. Yon rakrenn rhorhepen pral o vavareste. Yon hi bipandlo oun doukrenn i vavaren. Yon kamenn kek lačepen.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

Debleskro tsiro 12:10

Oun me shounom i zorelo rakepen an o bolepen, hoy penas: Kanna las men maro Devel dran o bengeskro vast vin. Maro Devel sikras peskri zoor, oun vas o ray pral i tsele menshende ap i phoub. Oun yob das peskri tseli zoor koles, kay yob vin rodas, te vell lo o baro ray pral halauter. Tele vitsedo hi ko phoukepaskro, kay anas i doosh ap mare phralende glan o Debleste o dives oun i rati.