2. Mose 22:9 - O Debleskro Lab 2024 (Sinte-Manouche)

⁹ Te dell yek o vavares i bourika, i groumni, i bakro, ninna i vavar firho, te dell lo yak ap leste, oun ko firho merell, doukrell pes, oder vell krik tradedo oun kek dikas čomone,

O Debleskro Drom 2021 (Sinte)

⁹ Te dell jek o wawares i burika, i grumni, i bakro, ninna i wawar viecho, te dell lo jak ap leste, un ko viecho merell, dukrell pes, oder well krik tradedo un kek dikas tchomone,

2. Mose 22:9 Iomraidhean Croise

1. Mose 31:39

Kol bakren, hoy kol divye firhe maran, anom me gar pash toute. Me hounte playsrom touke kolen oun dom tout mire bakrendar. Kova kamal tou yaake. Touke his yek, te his dives, te his rati, kay van kol firhe čoredo.

1. Rajengro liil 8:31

Oun te anell yek i doosh ap i vavareste, oun kova vell kate anlo glan koy rhačepaskri an tiro kheer, oun dell pes sovel, te nay vell i bibarht pral leste, te rakrell lo gar o čačepen,

2. Familjakro liil 19:10

Te venn pash t'mende t'mare phrala, kol čačepangre dran kol vavar forya, oun poučenn t'mendar, hoy te krenn le pash kava te ko čingepen, nay djal troul rat fer rat, nay djal troul o Debleskro drom oun leskre laba, kova, hoy yob t'mendar kamell, oun hoy an leskre čačepaskre laba činlo hi, palle hounte t'mer lenge penenn oun sikrenn, har kova čačo hi, te anenn le kek doosh pral pende glan o baro Debleste, oun leskri rholi pral t'mende vell oun pral t'mare phrala. Te sikrenn t'mer lende lauter mishto, anenn t'mer kek doosh ap t'mende.

2. Mose 22:10

palle dell yob pes ap o baro Debleste sovel, te tapras leskro vast ap či, hoy o vavares hi. Palle hounte lell ko vavar koy sovel an, yaake te dell les ko vavar či pale.

2. Mose 22:28

An ko tsiro, kay aneh tiro djob oun tire drake dren, de tiro Debles, hoy leske hi! Tiro phoureder morsh čaves dess tou tiro Debles.

2. Mose 22:4

Te dell i morsh gar yak ap peskre firhende, oun moukell len ap i vavareskro them te djal oun kote te rhal, palle hounte dell lo kova pale. Te rhan i firhe djob, palle dell lo o lačeder djob, hoy leskro hi. Te rhan i firhe drake, palle dell lo peskre lačeder drake.

3. Mose 6:5

Oun koy yag ap i rhačepaskri rhačell doureder, oun djal ko tselo tsiro gar vin. Haki taysarla čivell o rashay kasht pre, oun koy pre ko mass ko firhestar, hoy vell tseles rhačedo, ninna kol kotya thulepen ko firhestar, hoy i menshe khetne rhan. Oun o rashay moukell lauter pre te rhačrell.

Mateo 18:15

Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Mateo 18:35

Oun o Yezous penas doureder: Te bistrenn t'mer gar o tselo djiyestar o čilačo koova, hoy i vavar phraal ap t'mende kras, yaake krell miro dad an o bolepen emligo t'mentsa.

5. Mose 25:1

Te vell i čingepen mashkral morsha pre, oun yon glan čačepangre morshende stakrenn, oun o čačepen vell vin kerdo, palle vell pral koleste, kay an o čačepen his, glan halauterende vin rakedo, te hi yob an o čačepen. Oun pral koleste, koles doosh his, vell glan halauterende vin rakedo, te hi les doosh.