2. Mose 22:2 - O Debleskro Lab 2024 (Sinte-Manouche)

² Djas o kham pre, har phagas lo dren, hi koles, hoy les moules das, i doosh ap leskro rat. I čorepaskro hounte dell lauter pale, hoy yob čoras. Te nay krell yob kova gar, palle vell lo bikedo oun vell i pandlo boudepaskro.

O Debleskro Drom 2021 (Sinte)

² Djas o kham pre, har phagas lo dren, hi koles, hoi les mules das, i doosh ap leskro rat. I tchorepaskro hunte dell lauter pale, hoi job tchoras. Te nai krell job kowa gar, palle well lo bikedo un well i pandlo budepaskro.

2. Mose 22:2 Iomraidhean Croise

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

Hiob 24:16

An i rat phagenn i čorepangre an i khera dren. Oun te vell o dives, khatrenn le pen, oun kamenn gar, te venn le diklo.

Hiob 30:5

Foun kotar, kay i menshe khetne djivenn, van yon vin tradedo. Yon dan pal lende gole, har pal i čorepaskro.

Jeremia 2:34

Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

Joel 2:9

Yon vitsrenn pen ap o foro, djan pre ap i massurya, oun dren an i khera. Yaake har i čorepaskro venn le an i vorhya dren.

4. Mose 35:27

oun ko morsh, kay kamell les te marell, hatsell les vin glan o naashepangro foro, oun dell les moulo, palle anas yob kek doosh ap peste.

Mateo 24:43

Hayvenn: Te djinals o ray pral i kheer ko tsiro an i rati, kaana o čorepaskro vella, palle sovals lo gar, oun moukals kekes an peskro kheer dren te phagell.

1. Tessalonikarja 5:2

T'mer djinenna, o ray Yezous vella har i čorepaskro an i rati.

1. Petro 4:15

Kek t'mendar hounte vell i marepaskro, i čorepaskro, i čingepaskro, i phoukepaskro! Kalla menshe lenn i phagi i menshendar oun hounte ladjenn.