2. Mose 21:8 - O Debleskro Lab 2024 (Sinte-Manouche)

⁸ Te ginas lakro ray lat, te vell li peskri romni, oun palle kamell lo lat bouder gar, hi les gar o čačepen, te bikrell lo lat ap i vi-themari. Kova vals i ladj. Yob hounte moukell lat lakre menshenge, te ginenn yon lat pale.

O Debleskro Drom 2021 (Sinte)

⁸ Te ginas lakro rai lat, te well li peskri romni, un palle kamell lo lat buder gar, hi les gar o tchatchepen, te bikrell lo lat ap i wi-themari. Kowa wals i ladj. Job hunte mukell lat lakre menshenge, te ginenn jon lat pale.

2. Mose 21:8 Iomraidhean Croise

1. Mose 28:8

Koy hayvas o Esau, kay leskre romya, kay van dran o them Kanaan, gar lačo his glan peskro dadeskre yaka.

Hiob 6:15

Mire mala sikran pen, te hi le rhorhene. Har panya hi le, kay trouk venn.

2. Mose 21:7

Te bikrell i morsh peskri čat, te vell li i pandli boudepaskretsa, palle hounte ačell li pandli. Oun yoy nay djal peske gar, har i pandlo boudepaskro morsh nay djal peske.

2. Mose 21:9

Te ginas o ray lat peskro čaveske, palle hounte vell li leske har yek leskre čendar.

Ezekiel 15:8

Me krau, te vell o them i moulo them. Kova krau doleske, kay phagan le mantsa, penell o baro Devel, maro ray.

5. Mose 20:7

Hi mank t'mende yek, koles i pirni hi oun yob las lat gomme gar pash peste? Kova hounte djal pale an peskro kheer, te merell lo gar an o kourepen, oun i vavar morsh lell lat peske.

Čačepangre 14:3

Kote penas leskro dad oun leskri day ap leste: “Hi mank tire tsele menshende kek čay touke? Hatseh kek romni mank i tsele Israelitarya, te hounte djas tou pash i Filistarya, oun less touke i romni kolendar, kay gar činlo hi ap pengro mass?” O Simson penas ap peskro dad: “Koya le mange! Yoy hi i shoukar an mire yaka.”

Čačepangre 9:19

Te his kova lauter mishto, hoy kran t'mer ap o Gideon oun ap leskro kheer, palle krenn doureder yaake oun venn barhteles khetne, t'mer oun o Abimelek!

1. Samuel 18:8

Kote tapras o Saules i bari rholi, oun kava gili his gar shoukar an leskre yaka. Oun yob penas: “Yon dan o Davides deesh-zerya, oun man dan le kokres yek zero. Kova hoy les kanna gomme gar hi, hi o rayeskri beshepaskri.”

1. Samuel 8:6

Kolla his djoungele laba glan o Samueleste, te penan le: De men i baro ray, kay o čačepen pral mende vin rakrella. Oun o Samuel rakras o baro Debleha koy pral.