2. Mose 20:7 - O Debleskro Lab 2024 (Sinte-Manouche)

⁷ Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

O Debleskro Drom 2021 (Sinte)

⁷ Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

2. Mose 20:7 Iomraidhean Croise

1. Mose 27:20

Koy poučas o Isaak peskro čavestar: “Har hatsal kova yaake sik, miro čavo?” “O baro Devel, tiro Devel, das man barht”, penas o Yakob.

1. Rajengro liil 2:9

Kava koova hounte less tou an tiro vast. Tou hal i gosevo morsh oun tou djineh, hoy hounte kress leha. Yob hi i phouro morsh. Mouk les gar an o lačepen te merell! Mouk les moulo te dell!”

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

Debleskri gili 139:20

Yon, kay praasenn tout oun hadenn pen ap toute, lenn tiro lab an o mouy te rhorhenn le.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jeremia 34:16

Oun kanna rikran gar, hoy t'men sovel dan, oun kran, har te vals miro lab či moldo! Hakeno t'mendar kamell kol morshen oun djouvyen pale, kay leskre boudepangre his, oun kolen yob moukas te djal, te nay djan le penge kote, kay le kaman. Kanna lell lo len zoryah pale pale, te venn le pale leskre pandle boudepangre.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Ezekiel 39:7

Me sikrau mire menshenge Israel, te hom o Devel, oun moukau bouder kek ladj ap mande te anell. I menshe an vavar themma hounte dikenn oun hayvenn, te hom me o baro Devel, o Devel pral o Israel.

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

2. Korintarja 1:23

Kanna penau t'menge, hoske djom gar pash t'mende. Me kamom t'men gar pale te doukrell. Glan o Debleste penau t'menge kava pash mo djipen.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 5:11

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.

Josua 2:12

Kanna denn t'men kate sovel pash o baro Debleste, te venn lačes ap miro dadeskro kheer, yaake har me lačes ap t'mende homs. Oun denn man čomone, hoy sikrell man,

Josua 2:17

Kote penan kol morsha ap late: “Mer krah yaake, har men kay sovel dam, hoy tou kamal te das mer tout.

Josua 9:20

oun kamah maro sovel, hoy dam, te rikrell, oun moukah len te djivell, te vell gar i rholi o Deblestar pral mende. Kova kamah lentsa te krell: