2. Mose 20:5 - O Debleskro Lab 2024 (Sinte-Manouche)

⁵ Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

O Debleskro Drom 2021 (Sinte)

⁵ Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

2. Mose 20:5 Iomraidhean Croise

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

2. Samuel 21:6

dran leskro kheer denn men efta morshen, te bladas len pre glan o baro Debleste an o foro Gibea, hoy o foro o Saulestar hi, koles o baro Devel vin rodas.” Penas o David: “Me dau len t'mende.”

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 21:29

“Dikal tou kova, har kras pes o Ahab tiknes glan mande? Doleske moukau koy bibarht gar te vell, yaake rah har yob djivell. An ko tsiro, kay leskro čavo o baro ray hi, anau me koy bibarht pral leskro kheer.”

2. Rajengro liil 17:35

Lenge das o baro Devel peskro lab, te hi lo lengro Devel oun yon leskre menshe. Ap lende penas lo: “Sharenn kek vavar deblen! Ma čivenn t'men tele glan lende! Ma mangenn len an! Oun anenn lenge kek firhen oun kek soungepaskro koova!

2. Rajengro liil 17:41

Oun kal menshe, kay van dran vavar forya, mangan o baro Debles an, oun mangan ninna pengre deblen an. Oun ninna lengre čave oun čavengre čave krenn yaake har lengre phoure kran bis ap kava dives.

2. Rajengro liil 23:26

Ninna te kras o Yosia kova lauter, moukas o baro Devel gar tele peskri rholyah, hoy les his pral o them Youda, fothe rhoyras les ko tselo djoungelo koova, hoy o Manasse kras.

2. Rajengro liil 5:18

Hi yek koova, hoy nay krau gar yaake: Te djal miro baro ray an o kheer peskro deblestar Rimmon, te mangell lo les an, palle čivell lo pes ap miri moussi, oun me mangau les ninna an. Palle mou lell o baro Devel koy doosh mandar krik!”

2. Rajengro liil 5:27

Ko nasslepen, hoy o Naamanes ap peskro mass his, perell ap toute oun tire menshende, kay pal toute venna.” Koy djas o Gehasi lestar krik, oun ko nasslepen his ap leskro mass oun dikas vin har gib.

2. Familjakro liil 25:14

Oun yaake vas, har o Amazya khere vas dran o kourepen i lourdentsa dran o them Edom, anas lo kol debla peha, kolen i Edomarya an-mangan, oun čivas len pre, har te venn yon leskre debla. Oun glan lende vitsras lo pes tele, oun rhačras lenge soungepaskro koova.

2. Familjakro liil 7:19

Te moukenn t'mer miro drom, oun rikrenn t'men gar ap mire laba oun miro čačepen, hoy me t'menge dom, oun djan pash vavar debla, oun mangenn len an, oun vitsrenn t'men glan lende tele ap i phoub,

Hiob 21:19

T'mer penenn, te anell o Devel i phagi pral i čavende ko čilačestar. Me penau: Yob hounte dals koy phagi koleste, kay čilačo koova kras, te hayvell yob kova,

Hiob 5:4

Leskre čaven his kek barht an pengro djipen. Har anas yek čomone ap lende pre, his kek koy, kay vas ap lengri rig, oun las lengro koova an o vast.

Debleskri gili 109:14

Baro Devel, ma biste i doosh leskre phourendar! Ma biste o čilačo koova, hoy leskri day kras!

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

Debleskri gili 79:8

De men kek phagi koleske, hoy mare phoure kran! Kre sik tiro dji menge pre! Dik, men hi bouder kek zoor!

Debleskri gili 81:15

Sik anoms ladj ap kolende, kay ap lende djan, oun čivoms miro vast phares ap lende.

2. Mose 23:24

Ma mangenn lengre deblen an! Ma anenn firhen, te rhačrenn len lenge! Ma krenn yaake har kolla, kay an ko them djivenna! Denn lengre tsele deblen paash, oun phagenn kol bare barra, hoy yon lenge pre-čivan!

2. Mose 34:14

Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.

Gosewe laba 8:36

Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

Jesaja 44:15

Ko kasht lell i mensho rhačepaske, oun yob lell les oun krell i yag, te vell leske tato, oun pekell maro koy pre. Oun ninna lell lo kava kasht oun krell i devel lestar, glan koleste vitsrell lo pes ap i phoub tele oun mangell les an.

Jesaja 44:19

Savo mensho hayvell gar, hoy lo krell. Či djal an leskro shero, oun kek gosvepen hi an leste, yaake te penals lo peske: “O paash kolestar rhačrom an i yag, oun ap koy yag pekom maro oun mass, oun rhom les. Oun ko vavar paash kolestar, krap i devel, glan koleste me man tele ap i phoub vitsrap? Glan i kotar kasht?”

Jeremia 2:9

Doleske hounte anap t'mari doosh ap t'mende, oun ap t'mare čavende oun kolengre čavende.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Ezekiel 18:19

T'mer poučenn: “Hoske hidjrell ko čavo gar i doosh peskro dadestar?” Me penau t'menge: O čavo kras, hoy mishto oun čačo his, oun rikras halauter, hoy lestar kamom. Doleske ačell yob djido.

Ezekiel 18:2

Hoske penenn t'mer an o them Israel kava lab: I phoure rhan shoutle drake, oun i ternenge doukenn i danda.

Ezekiel 20:7

Oun me penom ap lende: Hakeno t'mendar hounte vitsrell kol djoungele figuren krik, hoy lo an-mangell. Rikrenn t'men pale kol rhorhene deblendar, kolen i Egiptarya an-mangenn, te venn t'mer gar pale-čiddo! Me, o baro Devel, hom t'maro Devel.

Ezekiel 39:25

Kanna krau, penell o baro Devel, maro ray, te vell lauter pale mishto o Yakobeske, oun krau miro dji pre o tselo khereske Israel. Miro tselo djiyeha krau, te vell bouder gar djoungeles rakedo pral mande.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Daniel 1:2

Oun o baro Devel, maro ray, das o Yoyakimes, ko baro rayes pral o them Youda, an o vast o baro rayestar dran o them Babilonia. Ninna ko shoukar koova, hoy an o Debleskro kheer his, kolestar peras an leskre vasta. Oun yob anas kova an o them Shinar, an o kheer leskro deblestar. Oun čivas les pash ko bravlepen leskro deblestar pashel.

Daniel 3:18

Oun ninna te kamell lo kova gar te krell, tou djiness: Mer sharah tiro debles gar, oun mangah gar koy sonakaskri figura an, hoy tou moukal pre te čivell.”

3. Mose 20:5

palle dau me kokres ko morshes peskri phagi, ninna leskre menshen. Me moukau les oun hakenes, kay ko debles Molok pal nashas, bouder gar mank pengre menshende te djivell.

3. Mose 26:1

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

3. Mose 26:29

I bokatar rhan t'mer o mass t'mare čavendar oun čendar.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

4. Mose 14:18

Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.

4. Mose 14:33

T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral.

4. Mose 25:11

“O Pinhas, koleskro dad o Elazar hi, oun koleskro papo o rashay Aron his, kova las miri rholi kol Israelendar krik. Yob his yaake rhoyedo har me homs, oun kras, te marom me gar i tsele Israelitaryen an miri rholi.

Mateo 4:9

oun penas: “Kava lauter kamau tout te dell, te pereh tou glan mande tele, oun mangeh man an.”

Johanni 15:18

Te kamenn t'men i menshe ap kay phoub gar, ma bistrenn, kay yon kaman man vitar gar.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Johanni 9:2

Oun o Yezouseskre mala poučan o Yezousestar: “Sikepaskro, koon anas i doosh ap peste, te vas kava morsh koreles boldo? Anas yob i doosh ap peste? Anan leskro dad oun leskri day i doosh ap pende?”

Remarja 1:30

oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date.

Remarja 8:7

Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 32:21

Yon doukan oun rhoyran man, har mangan le kolen an, kay kek debla hi. Yaake kamau me les ninna lentsa te krell, oun lau mange vavar menshen, te zilverenn le oun rhoyrenn pen pral menshende, kay prindjran man gar.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.

5. Mose 4:24

Yob hi i zoreli yag, hoy halauter pre rhačrell, oun kamell, te kamenn t'mer les kokres.

5. Mose 5:10

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har zerya familye yek pal i vavar djivenn.

5. Mose 5:9

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

5. Mose 6:15

Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.

5. Mose 7:10

Oun kolen, kay kamenn lestar či te djinell, dell lo i phagi, oun marell len sik. Kek tsiro moukell lo pes, te anell lo lenge lengro čilačepen pale ap lengre sherya.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Josua 23:7

Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!

Josua 24:19

Kote penas o Yosua ap i tsele menshende: “Kova nay vals t'menge phares, o baro Debleske koy te vell. Kek vavar devel hi har yob hi. Oun yob kamell t'mendar, te mangenn les kokres an. Te djan t'mer leskro dromestar tele oun hadenn t'men pral leste, bistrell lo kova gar.

Čačepangre 2:19

Pal leskro merepen peran le pale o čačo dromestar tele, oun kran les gomme djoungleder har pengre phoure kova kran, oun nashan vavar deblenge palla, oun vitsran pen glan lende tele, oun mangan len an. Oun moukan pen kekestar ko čilačo dromestar tele te anell. Pal pengre shere djan le pengro drom.