2. Mose 20:13 - O Debleskro Lab 2024 (Sinte-Manouche)

¹³ Ma mare kekes!

O Debleskro Drom 2021 (Sinte)

¹³ Ma mare kekes!

2. Mose 20:13 Iomraidhean Croise

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

2. Familjakro liil 24:22

Oun o Yoash bistras har boud lačepen o Yoyada ap leste kras, koleskro čavo o Zakarie his, koles yob moukas te marell. Har o Zakarie meras, penas lo: “O baro Devel dikell kova, oun yob dell pale pale, hoy le ap mande kran.”

2. Mose 21:12

Kova, kay dell i menshes yaake phares, te merell lo, kova hounte merell.

2. Mose 21:14

Te das lo les čorrhanes oun an o čilačepen temerl, dell kek platsa, kay ačell lo nay djido, vitar gar, te nashell lo an o Debleskro kheer pash o Debleskri sasterni rhačepaskri. Lenn les kotar krik oun denn les temerl!

2. Mose 21:20

Te dell yek peskro boudepaskres i kashteha, yaake te merell lo, palle lell lo i phagi. Kova vell ninna yaake kerdo pash i boudepaskretsa.

2. Mose 21:29

Djinas yob, te dell koy groumni pale oun pale peskre shingentsa, oun yob pandas lat gar dren, oun yoy das pale yekes, yaake te meras lo, palle vell koy groumni i barrentsa moules vitsedo. Oun koleske i groumni hi, kova hounte merell ninna.

2. Mose 23:7

Ma shoun ap kolende, hoy anenn rhorhepen pre ap i vavareste! Ma pen, te vell kova temerl dino, kay kek čilačo koova kras oun kay an o čačepen tardo hi. Miri phagi vell ap koleste, kay savo čilačo koova krella.

Gosewe laba 1:11

Yon nay penans: “Am mentsa! Mer lourah yekes pre oun marah les. Mer nay hatsams saven, kay kek čilačepen an lengro shero hi. Kolen lah palla, te vell men čomone sapaske.

Gosewe laba 1:18

Hi gar yaake kal morshentsa: Yon kamenn i vavaren te marell, oun hayvenn gar, te perenn le kokres an pengri netsa.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jeremia 26:15

Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

3. Mose 24:17

Koon i menshes moulo dell, hounte vell moulo dino.

3. Mose 24:21

Koon i firhes moulo dell, hounte dell sau firhes pale. Koon i menshes moulo dell, hounte merell.

Mateo 19:18

Koy poučas lo lestar: “Hoy hounte krap?” Penas o Yezous: “Ma mare kekes! Ma rhorhe tiri romyat i vavar djouvyah! Ma čore! Ma pen rhorhepen pral yekeste!

Markus 10:19

Tou djineh, kay o Devel penas: De kekes moulo! Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma čore! Ma pen rhorhepen pral i vavarende! Ma rande či i vavarestar! Dik ap tiro dadeste oun ap tiri date, te djal lenge mishto!”

Louka 18:20

Tou prindjreh kol deesh Debleskre laba: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma pen rhorhepen pral yekeste! Dik ap tiro dadeste oun ap tiri date, te djal lenge mishto!”

Bičepangre 16:28

Koy das o Paulo zoreles gole: “Ma mare tout! Mer ham lauter kate!”

Bičepangre 28:4

Har kol menshe ko themestar ko sap ap leskro vast dikan, penan le: “Kava hi yek, kay maras yekes. Dran o baro pani vas yob djido vin, oun kanna lell lo peskri phagi.”

Remarja 13:9

An o Debleskro lab hi činlo: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma dik čilače yakentsa ap kova, hoy o vavareskro hi! Lauter kova, hoy o Devel toutar kamella, hi an ko yek lab khetne lino: Ab yaake lačes ap o vavareste har hal lačo ap toute!

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

5. Mose 5:17

Ma mare kekes!

1. Timoteo 1:9

Mer djinah, o Moseskre laba van gar činlo kolenge, kay pal o čačepen djivenna. Kol laba van činlo kolenge, kay gar pal o čačepen djivenna, oun kay gar ap o Debleste shounenna. Kol laba van činlo kolenge, kay gar ap o Debleste patsenna, oun krenna, hoy yob gar kamella. Kol laba van činlo kolenge, kay lengro dji djoungelo hi, oun kolenge, kay praasenn o Debles. Kol laba van činlo kolenge, kay marenn o dades oun i da, oun ninna vavar menshen.

Jakobo 2:11

O Devel penella: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Oun yob penell ninna: Ma mare kekes! Tou te rhorheh gar tiri romyat, oun tou mareh yekes, palle moukal tou o Debleskro drom.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.