2. Mose 20:11 - O Debleskro Lab 2024 (Sinte-Manouche)

¹¹ An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

O Debleskro Drom 2021 (Sinte)

¹¹ An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

2. Mose 20:11 Iomraidhean Croise

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 1:31

Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

2. Mose 31:17

O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

2. Mose 8:22

O Mose penas: “Kova djal gar. Kol firhen, hoy mer maro baro Debleske marah, hi pale-čiddo pash i Egiptarya. Te marah mer kol firhen kote, kay i Egiptarya nay dikenn men, palle hadenn yon barra pre oun vitsrenn men lentsa moules.

2. Mose 9:29

O Mose penas leske: “Yaake sik har djom dran o foro vin, kamau mire vasta pre te hadell ap o baro Debleste. Palle dell o bolepen bouder kek gole, oun kek barrengro brishin perell bouder, te dikess oun hayvess, te hi i phoub o baro Debleske.

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

Bičepangre 4:24

Har i patsle kova shounan, mangan yon khetne o Debles an, oun penan: “Ray, tou kral o bolepen oun i phoub, oun o baro pani, oun lauter, hoy djivella.

5. Mose 5:15

Ma biste, kay hals i boudepaskro an o them Egiptia, oun me, tiro baro Devel, las tout vin miro zorelo vasteha oun pre-hadedi moussyah. Doleske penau me touke: Rike miro dives yaake.

Hebrearja 4:4

Pral o eftato dives vas penlo: Har kras o Devel lauter an o bolepen oun ap i phoub, boudras lo bouder či ap o eftato dives. Lauter his kerdo.

Debleskro tsiro 10:6

oun das pes sovel pash koleste, kay djivella kanna oun hako tsiro, kova hoy o bolepen kras, oun lauter, hoy an leste hi, ninna i phoub oun lauter, hoy ap late hi, oun ninna o baro pani, oun lauter, hoy an leste hi. Oun o bolepaskro penas: “O tsiro hi trouyel.”