2. Mose 2:2 - O Debleskro Lab 2024 (Sinte-Manouche)

² Yoy vas an vavar koova oun las i čavo. Har dikas yoy, kay hi o čavo sasto oun shoukar, khatras yoy les triin čon.

O Debleskro Drom 2021 (Sinte)

² Joi was an wawar koowa un las i tchawo. Har dikas joi, kai hi o tchawo sasto un shukar, khatras joi les triin tchon.

2. Mose 2:2 Iomraidhean Croise

2. Rajengro liil 11:3

Oun yob his pash i Yosheba khatedo an o baro Debleskro kheer shob bersha. An ko tsiro his i Atalya i rani pral o them.

Debleskri gili 112:5

Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi.

2. Mose 6:20

Oun o Amram las peske i romni, i Yokebed, i pheen leskro dadestar. Oun koya las douy čave: o Aron oun o Mose. Oun o Amram vas 137 (sheel-te-triyanda-te-efta) bersha phouro.

4. Mose 26:59

Koleskri romni kharas Yokebed, lakro dad his o Levi. Koya vas boldo an o them Egiptia. Oun yoy anas o Aron, o Mose oun lengri pheen, i Miryam ap i phoub.

Bičepangre 7:20

An ko tsiro vas o Mose boldo. Oun yob his shoukar an o Debleskre yaka. Triin čon his yob an peskro dadeskro kheer, oun yon dan garda ap leste.

5. Mose 33:16

Mou vell o them pherdo o feteder koova, yaake boud, te hi les boudeder har doha. Ko Devel, kay djivas an i soubyengre bourra, mou čivell peskro lačepen ap leste! O Yosef vas vi-rodedo mank peskre phralende, te vell lo lengro pralstouno.

Hebrearja 11:23

Ninna o Moseskro dad oun peskri day patsan ap o Debleste. Doleske trashan le gar o baro rayestar pral o them Egiptia, har kova penas, te venn i tikne čave maredo, hoy i Israelengre djouvya lan. Har o Moseskro dad oun peskri day dikan, har shoukar lengro čavo hi, khatran le les triin čon.

1. Samuel 16:12

Kote bičras yob yekes, kay anas o Davides. Les his lole čam oun shoukar yaka. I shoukar čavo his lo. Oun o baro Devel penas: “Kava hi lo. Ste pre oun mak les o djeteha!”