2. Mose 2:14 - O Debleskro Lab 2024 (Sinte-Manouche)

¹⁴ Kava penas: “Koon penas, te vess tou ray pral mende? Kameh tou man ninna moules te dell har ko Egiptares?” Kote las o Mose traash oun penas peske: “Har vas kova vin?”

O Debleskro Drom 2021 (Sinte)

¹⁴ Kawa penas: “Koon penas, te wess tu rai pral mende? Kameh tu man ninna mules te dell har ko Egiptares?” Kote las o Mose traash un penas peske: “Har was kowa win?”

2. Mose 2:14 Iomraidhean Croise

1. Mose 13:8

Koy penas o Abram ap o Lot: “Me kamau kek čingepen mank mende, vitar gar mank tire boudepangre oun mire boudepangre. Mer ham phrala.

1. Mose 19:9

Yon dan gole: “Dja touke! Tou hal i vi-themari oun kameh tout ray pral mende te krell. Kanna shoun, mer kamah touha djoungleder koova te krell har kolentsa, kay pash toute an o kheer hi.” Oun yon djan ap o Lot pengri tseli zoryah, oun kaman o voudar pre te phagell.

1. Mose 34:27

Palle čoran o Yakobeskre čave kol moulendar an ko foro, kay lengri pheen i zoryah an-tapedo vas.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Gosewe laba 29:25

Kova, kay darell i menshendar, perella. Kova, kay rikrell pes ap o baro Debleste, pral koleste rikrell lo peskre vasta.

4. Mose 16:13

Hi kova touke gar doha, kay lal men dran ko them, kay hi boud thoud oun gvin, oun moukeh men te merell an o moulo tato them? Kameh tou ninna ray pral mende te vell?

4. Mose 16:3

Oun yon halauter van khetne pash o Mose oun o Aron, čingran ap lende oun penan: “T'mer krenn, har te vans bareder har mer vavar! O tselo kheer Israel hi o Debleskre menshe. Oun o baro Devel hi mashkral lende. Hoske hadenn t'mer t'men pral o baro Debleskre menshende?”

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

Louka 12:14

Penas o Yezous ap koleste: “Romeha, kova hi gar miri boudi.”

Louka 19:14

I menshe an peskro them his rhoyedo ap leste oun bičran morshen leske palla, te penenn le leske: Mer kamah gar, te vess tou baro ray pral mende!

Louka 19:27

Oun yob penas doureder: Anenn kolen glan mande, kay hi rhoyedo ap mande, oun kay kaman gar, te vap baro ray pral lende, oun denn len glan mire yaka temerl!”

Bičepangre 7:35

O Devel bičras kava Moses, kay pash peskre menshende či moldo his. Kova dikah mer koy pre, har yon penan: Koon kras tout pral mende čačepaskro oun ray, te hounte shounas mer ap toute? O Devel bičras les, te vell lo ray pral lende, oun te anell lo len dran ko them vin, kay yon pandle boudepangre his. Kova penas leske ko bolepaskro, kay dran i soubyengro bour ap leste rakras.

Hebrearja 11:27

Dran peskro patsepen djas o Mose vin dran o them Egiptia, oun daras gar o baro rayestar pral o them Egiptia, te vell yob rhoyedo ap leste. Na-a. Yob rikras yaake ap o Debleste, koles kek nay dikella, har te dikals les lo peskre yakentsa.