2. Mose 19:5 - O Debleskro Lab 2024 (Sinte-Manouche)

⁵ Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

O Debleskro Drom 2021 (Sinte)

⁵ Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

2. Mose 19:5 Iomraidhean Croise

1. Mose 17:9

Oun o Devel penas pale ap o Abrahameste: “Tou oun tire čave oun kolengre čave oun lauter, kay pal toute venna, t'mer hounte krenn t'maro kotar kolestar, hoy mer vin kram.

1. Familjakro liil 17:22

Tou rodal touke kol menshen Israel vin, te venn yon tire menshe hako tsireske. Oun tou, baro Devel, val lengro Devel.

Hiob 41:11

Dran leskro mouy vell yag, ava, yagakre kotya denn vin karye.

Hiob 41:3

Koon nay djal i rholyah ap mande, oun me anau kova gar ap leskro shero pale? Tel o tselo bolepen hi kek savo!

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 24:1

I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 23:22

Te shounenn t'mer ap leste oun krenn halauter, hoy me t'menge penau, palle djau me ap kolende, hoy ap t'mende djan. Oun kolla, hoy t'menge o djipen phares krenn, kolenge krau me les ninna phares.

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

2. Mose 8:22

O Mose penas: “Kova djal gar. Kol firhen, hoy mer maro baro Debleske marah, hi pale-čiddo pash i Egiptarya. Te marah mer kol firhen kote, kay i Egiptarya nay dikenn men, palle hadenn yon barra pre oun vitsrenn men lentsa moules.

2. Mose 9:29

O Mose penas leske: “Yaake sik har djom dran o foro vin, kamau mire vasta pre te hadell ap o baro Debleste. Palle dell o bolepen bouder kek gole, oun kek barrengro brishin perell bouder, te dikess oun hayvess, te hi i phoub o baro Debleske.

Kamlepaskri gili 8:12

Salomo, tout nay vell kol zero kotya roup, oun douy-sheel nay venn i harhen! Man hi miro kotar them mire drakentsa!

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 56:4

Leske penell o baro Devel: Te rikreh tou o Debleskro dives dren, oun kameh kova te krell, hoy mange mishto hi, oun rikreh tout ap kol laba, hoy mire menshendar vin krom,

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 13:11

Yaake har i morsh ko pandepen troul peste pandella, yaake pandom me kol tsele menshen dran Israel oun kol tsele menshen dran Youda troul mande, te venn yon mire menshe. Kamom, te vap dran lende sharedo oun miro lab bares oun prindjedo vell; yon kaman gar ap mande shounell, penell o baro Devel.

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

3. Mose 20:24

T'menge penau: Lengro them dau t'mende, te vell lo t'maro. Kova hi i them, kay boud thoud oun gvin hi. Me, o baro Devel, hom t'maro Devel, oun rodom t'men mange dran i vavar themma vin.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Amos 6:1

Djungeles djal kolenge, kay djivenn i shoukar djipen ap i berga Sion! Djungeles djal kolenge, kay djivenn an o foro Samaria, oun krenn pen kek shero! Djungeles djal t'menge, kay han i raya pral Israel – koy an-dikli natsyona, pash kolende i Israelitarya venna!

Maleachi 3:17

Oun pral lende penell o baro Devel, ko ray pral o bolepen oun i phoub: Ap ko dives, kay me vau, sikrell pes, kay hi le mire. Oun me krau miro dji lenge yaake pre, har i morsh peskro dji pre krell peskro čaveske, kay leske koy hi.

1. Korintarja 10:26

Djinenn, i phoub oun lauter, hoy koy pre hi, hi o Debleskro.

1. Korintarja 10:28

Kova hi vavarčandes, te penell t'menge yek: “Kava rhapen vas i debleste dran kasht oun bar dino.” Palle ma rhan ko mass, te vell koleskro dji gar djoungeles, kay kova t'menge penas. Yob nay penals: “Hi mishto, te rhap ko rhapen.”

5. Mose 10:14

O baro Debleske hi o bolepen, lauter hoy an o pralstunepen hi. Oun ninna i phoub oun lauter hoy dren hi, hi leskro.

5. Mose 11:27

I barht vell ap t'mende, te shounenn ap i laba t'maro baro Deblestar, kol laba, hoy me t'menge kava dives penau.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

5. Mose 14:21

T'mer hounte rhan kek mass i firhestar, hoy moules trouyel čiddo hi. I vi-themares, kay djivell an t'maro foro, koles nay denn les, te rhal yob les. Ninna nay bikrenn les ap yekeste dran o vi-them. T'mer han menshe, kay hi o baro Debleske koy, kay t'maro Devel hi. Tou keress gar i bouzyakro ternepen an o thoud leskri datar.

5. Mose 26:18

Kava dives penan t'mer glan leste: Ava, mer kamah leskre menshe te vell, yaake har yob penas, oun kamah leskre tsele laba te rikrell.

5. Mose 26:19

Oun yob krell, te veh tou o pralstouno pral i tsele vavar natsyone, hoy yob kras, te vess hadedo, sharedo oun raylo. T'mer venn o baro Debleskre menshe, kay leske kokres koy hi, oun kek vavareske har lengro Debleske. Kova penas yob.”

5. Mose 28:1

Kava dives penau t'menge o baro Debleskre tsele laba, pal kolende hounte djivenn. Shounenn ap t'maro baro Debleste, oun krenn pal kal laba! Palle krell t'mendar t'maro baro Devel i natsyona, hoy boudeder an-diklo hi har i tsele vavar natsyone ap i phoub.

5. Mose 28:9

Te shounenn t'mer ap t'maro baro Debleste oun djan ap leskre dromma, krell lo t'mendar i natsyona, hoy leske hi yaake har lo pes sovel das te krell lo.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 5:2

Maro baro Devel djas mentsa i sovel dren pash i berga Horeb.

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

5. Mose 9:29

Yon hi tire menshe, kolen tou vin lal dran o them Egiptia tiri bari zoryah oun tiro zorelo vasteha, te venn le tire menshe!”

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

Hebrearja 8:9

Kava nevo drom hi gar yaake, har ko phouro drom, hoy sikrom lende ap ko dives, kay taprom lengre phouren ap i vasta, te anap len dran o them Egiptia vin. Har ačan le gar ap miro drom, moukom len.

Josua 24:24

Oun i tsele menshe penan ap o Yosua: “O baro Debles, kay maro Devel hi, koles kamah an-te-mangell. Oun ap kova, hoy yob penella, kamah mer te shounell.”

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.