2. Mose 19:18 - O Debleskro Lab 2024 (Sinte-Manouche)

¹⁸ Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

O Debleskro Drom 2021 (Sinte)

¹⁸ Un trul koi tseli berga Sinai his jagakro ducho, har was o baro Dewel an i jag tele ap i berga. Un i jagakro ducho djas pre dran i berga jaake har dran i baro bob. Un koi tseli berga trissas soreles.

2. Mose 19:18 Iomraidhean Croise

1. Mose 11:5

Koy vas o baro Devel tele, te dikell lo ko foro oun ko baro kheer, hoy kol menshe krenn.

1. Mose 15:17

Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

1. Mose 19:28

Oun o Abraham dikas tele ap kol forya Sodom oun Gomorra oun pral ko tselo them pash o pani Yordan, oun dikas i bari yagakro dourho pre te djal har dran i baro bob.

Nehemia 9:13

Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

Debleskri gili 104:32

Yob dikell i phoub an, oun yoy trissella. Yob taprell i berge an, oun i yagakri tampa djal pre dran lende.

Debleskri gili 114:4

I berge stan har bakre, oun i tikne berge har terne bakre.

Debleskri gili 114:7

O baro Devel his koy. Doleske vas kova yaake. Hakeno ap i phoub hounte trissell glan o baro Debleste, ko Debleste o Yakobestar.

Debleskri gili 144:5

Baro Devel, čip o bolepen ap i rig oun ab tele! Tape i berge an, te vell yagakro dourho vin!

Debleskri gili 18:9

Yagakro dourho djas dran leskro nak pre, baro tatepen vas dran leskro mouy vin, ninna yag das karye lestar vin.

Debleskri gili 68:9

kote trissas i phoub, oun o bolepen das baro brishin glan toute, o Debleste ap i berga Sinay, ava, glan o Debleste pral o Israel.

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

Debleskri gili 77:19

Tou kral bari gole ap o bolepen. Koy yag ap o bolepen kras i rat har te vals dives. I phoub trissas i daryatar.

2. Mose 19:13

Koles hounte taprell kek an. Vitsrenn les moulo i barrentsa! T'mer nay denn les ninna tele karye. Krenn kova ninna i firheske, hoy čivas peskre herya ap koy berga. Kova ačell gar djido. Te vell ko tsiro, kay shounenn, har phourdell yek ap i phourdepaskri, palle venn pre ap i berga!”

2. Mose 19:17

O Mose anas len pash i berga, kay o Devel hi. Oun yon ačan tardo tele glan i berga.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

2. Mose 24:17

O raylepen o baro Deblestar his glan i Israelengre yaka har i bari yag, hoy pral ap koy berga rhačella.

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

2. Mose 34:2

Le touha, hoy tout hounte vell, te djas sik taysarlakro pral ap i berga Sinay pre. Kote am pash mande!

Jesaja 6:4

Koy gole lendar moukas i telstoune barra o kherestar te trissell. Oun o kheer his pherdo yagakro dourho.

Jesaja 64:1

Ab har i yag, hoy rhačrell trouk kasht, oun moukell o pani an i piri te kerell! Sike koon tou hal mank kolende, kay kamenn tout gar, te trissenn i menshe dran vavar themma glan toute,

Jeremia 4:24

Me dikom ap kol bare oun tikne berge. Kolla trissan.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

Zakarie 14:5

Koy tala djal yaake dour har Azel. An koy tala mank o baro Debleskre berge nashenn t'mer t'menge yaake, har t'mare phoure nashan penge, har i berge trissan an ko tsiro, kay o Usiya o baro ray pral o them Youda his. Oun palle vell miro baro Devel. Oun leskre tsele bolepangre venn khetne leha.

Mateo 24:7

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 4:36

Dran o bolepen vin rakras lo ap t'mende, te sikrell lo t'men leskro drom. Oun ap i phoub moukas lo t'men peskri bari yag te dikell. Oun dran koy yag vin shounan t'mer kol laba, hoy yob ap t'mende rakras.

5. Mose 5:22

Kal laba rakras o baro Devel ap t'mende halauter, har van khetne pash i berga. Dran i yag vin, dran koy kali pessi folka vin rakras lo bari golyah. Kek vavar lab čivas lo pashel. Oun yob činas len ap douy barra oun das len mande.

5. Mose 5:4

Kote ap i berga rakras yob dran i yag vin, yak an yak t'mentsa.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 12:18

Shounenn, mire phrala! T'maro tsillo, kay venn khetne o Debleha, hi gar ko emligo har pash i Israelitarya. Yon djan pash i berga Sinay, oun pash i yag, hoy dikan le nay. Troul lende his kali rat oun i zorelo dourho phourdas.

Hebrearja 12:26

An o phouro tsiro trissas i phoub, har o Devel rakras. Kanna penell lo: An ko tsiro, hoy vella, trissell i phoub i vavar kopo, oun gar i phoub kokres, na-a, ninna o bolepen trissella.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.

Debleskro tsiro 9:2

Koy vas i yagakri khand dran o telstunepen vin, har i yagakri khand dran i baro bob vin vella. Oun koy yagakri khand hadas pes pre, oun čakras o kham oun o bolepen, yaake te vas rat.

Čačepangre 5:5

I berge trissan glan o baro Debleste, kay sikras pes ap i berga Sinay glan peskre menshende Israel. Lengro Devel hi lo, – yob, o baro Devel.