2. Mose 19:10 - O Debleskro Lab 2024 (Sinte-Manouche)

¹⁰ Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

O Debleskro Drom 2021 (Sinte)

¹⁰ Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:10 Iomraidhean Croise

1. Mose 35:2

Koy penas o Yakob ap peskri familya oun ap lauterende, kay pash leste his: “Čivenn t'mendar krik kol deblen dran barra oun kashta, hoy t'mer an-mangenna! Thovenn t'men oun rivenn t'men djoudje ripya an!

2. Samuel 19:24

Oun o baro ray penas ap o Shimi: “Tou hounte meress gar”, oun das pes sovel koy pre.

2. Familjakro liil 29:34

Kote his gar doha rashaya, te tserdenn le i hauta kol tsele marede firhendar tele. Doleske van lenge lengre phrala, kol Levitarya, pash o vast, bis te i tseli boudi kerdo his, oun boudeder rashaya pen djoudjo kran o baro Debleske. [I Levitarya his sikeder koy pashel, te krenn le pen djoudjo o Debleske har i rashaya.]

2. Familjakro liil 29:5

Oun penas ap lende: “Morshale dran o kheer Levi, shounenn mire laba! Krenn t'men kanna djoudjo o baro Debleske, oun krenn leskro kheer pale djoudjo leske, kay o Devel t'mare phourendar hi! Oun vitsrenn ko tselo koova vin, hoy kras kava kheer pale-čiddo.

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

3. Mose 11:25

Koon sau moulo firhes hidjrell, hounte thovell peskre koola, oun vell pale-čiddo, bis te vell rati.

3. Mose 15:5

Koon koleskro čiben an-tapras, hounte thovell pes oun peskre koola, oun hi pale-čiddo bis te vell rati.

4. Mose 11:18

Oun ap i menshende hounte peness tou: Krenn t'men djoudjo o Debleske! Taysarlake lenn t'mer mass rhapaske. T'maro ropen vas glan o baro Debleste. Yob shounas har penan: Koon dell men mass te rhal? Menge djas mishto an o them Egiptia. Doleske dell t'men o baro Devel mass te rhal.

4. Mose 19:19

Yek, kay gar pale-čiddo hi, hounte vitsrell ko pani ap koleste, kay pale-čiddo hi ap o triinto dives oun ap o eftato dives. Oun ko pale-čiddo hounte thovell pes an ko pani oun peskre koola. Palle vell yob ap i rati djoudjo oun erligo.

4. Mose 31:23

oun halauter, hoy i yag gar pre rhačrell, kova hounte rikrenn an i yag, te vell kova djoudjo. Oun pal kova vitsrenn pani koy pre. Oun kova halauter, hoy rhačrals pre an i yag, čivenn an o pani.

4. Mose 31:24

Oun t'mer hounte thovenn t'mare ripaskre koola ap o eftato dives. Palle venn t'mer djoudjo. Pal kova nay venn pale ap i platsa, kay i plarhtene khera tardo hi.”

4. Mose 8:21

Oun kol Levitarya moukan pani ap pende te čorell, te vell lengri doosh tele thodo, oun thovan pengre koola. Oun o Aron anas kol Levitaryen glan o baro Debleste oun rhačras kol firhen o baro Debleske, te vell i doosh i Levitarendar krik lino, te venn yon erligo glan o Debleste.

4. Mose 8:7

Yaake hounte kress tou lentsa, te kreh tou len erligo: Tou čivess pani ap lende, te vell lengri doosh krik lino. Oun yon hounte činenn halauter pengre balla tele, oun thovenn pengre koola, oun krenn pen yaake djoudjo oun erligo.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Josua 3:5

Oun o Yosua penas ap i menshende: “Krenn t'men djoudjo o Debleske! Taysar krell o baro Devel i baro koova mashkral t'mende.”

Josua 7:13

Ste pre, oun kre, te venn i menshe pale erligo glan mande! Pen lenge: Krenn t'men djoudjo, te nay venn glan o Debleste taysarlake! Me, o baro Devel, hom o Israeleskro Devel oun penau t'menge: Mank t'mende, t'mer Israelitarya, hi čomone, hoy miro hi. Doleske nay venn t'mer bouder gar zorelo pral kolende, kay kourenn pen t'mentsa, yaake rah, har anan t'mer ko koova gar dran t'mende krik.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

1. Samuel 16:5

“Ava”, penas lo. “Me hom kay, te anap o baro Debleske i firhes. Krenn kova, hoy glan činlo hi, te venn djoudjo o Debleske! Oun avenn mantsa, te rhas mer o firhes, hoy anom o Debleske.” Oun yob kras ap o Isay oun leskre čavende kova, hoy glan činlo hi, te venn le djoudjo o Debleske, oun penas: “Avenn mantsa, te rhas mer o firhes, hoy dau o Debleske.”