2. Mose 18:8 - O Debleskro Lab 2024 (Sinte-Manouche)

⁸ Oun o Mose penas peskri romyakro dad lauter, hoy o baro Devel ap o Faraeste oun ap i tsele Egiptarya kras, har las lo i Israelitarya vin. Ninna penas lo leske, har phares his ap o drom oun har o baro Devel pale te pale ap lengri rig vas.

O Debleskro Drom 2021 (Sinte)

⁸ Un o Mose penas peskri romjakro dad lauter, hoi o baro Dewel ap o Faraeste un ap i tsele Egiptarja kras, har las lo i Israelitarja win. Ninna penas lo leske, har phares his ap o drom un har o baro Dewel pale te pale ap lengri rig was.

2. Mose 18:8 Iomraidhean Croise

1. Mose 44:34

Me nay djau gar pash miro dadeste, te hi ko čavo gar pash mande. Me nay dikoms gar koy douk, hoy vell ap miro dadeste, te hi ko čavo gar pashel!”

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Debleskri gili 106:10

Yaake las lo len vin dran i vasta kolendar, kay kaman len te marell.

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

Debleskri gili 107:2

Kova te penenn i vi-line menshe, kolen o baro Devel vin las dran i vasta kolendar, kay len pandan.

Debleskri gili 66:16

Avenn oun shounenn, t'mer lauter, kay ap o Debleste patsenna, te penap t'menge, hoy yob mange kras.

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

2. Mose 15:16

I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

2. Mose 18:1

O rashay an o them Midian, – leskro lab his Yetro, his o Moseskri romyakro dad. Yob shounas kava lauter, hoy o baro Devel ap i tsele Israelitarya oun ap o Moseste kras, te las lo len dran o them Egiptia vin.

2. Mose 2:25

Oun o Devel dikas lačes ap i Israelitarya oun vas ap lengri rig.

2. Mose 23:23

Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

2. Mose 4:23

Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

2. Mose 7:5

Oun kol Egiptarya dikenn oun hayvenn, kay hom me o baro Devel, te hadau me miro vast pral o them Egiptia oun lau i Israelitarya mashkral lende vin.”

4. Mose 20:14

Har hi le an o foro Kadesh, bičras o Mose yekes pash o baro rayeste pral kol Edomarya, oun moukas leske te penell: “Kova moukell touke tiro phraal Israel te penell: Tou djineh, havo pharo tsiro ap mende vas,