2. Mose 18:7 - O Debleskro Lab 2024 (Sinte-Manouche)

⁷ Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

O Debleskro Drom 2021 (Sinte)

⁷ Kote djas o Mose win pash leste, djas ap i tchanga glan leste un tchumras les. Un jon putchan jek o wawarestar, har lenge djala.

2. Mose 18:7 Iomraidhean Croise

1. Mose 14:17

Yaake das o Abram o baro rayes Kedor-Laomer oun kol bare rayen, kay pash leste his. Koy pal djas o Abram khere. Ap o drom khere an i tala Shave vas o ray pral o foro Sodom pash leste. Koy tala kharella ninna Rayeskri tala.

1. Mose 18:2

Ap yek kopo dikas yob triin morshen. Kolla his i kotar glan leste tardo. Har yob len dikas, stas lo pre, nashas pash lende oun moukas pes glan lende ap i phoub te perell.

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

1. Mose 29:13

Har o Laban shounas, kay vas peskri phenyakro čavo, o Yakob, nashas lo pash leste, čivas peskre moussya troul leste, čoumras les oun anas les an peskro kheer. Oun o Yakob penas o Labaneske halauter, hoy djas.

1. Mose 31:28

Hoske moukal man gar te čoumrap mire čengre čaven oun mire čen? Kova his dinelo toutar!

1. Mose 43:26

Har o Yosef khere vas, anan le ko kouč koova an o kheer. Oun vitsran pen glan leste ap i phoub.

1. Mose 45:15

Oun yob čoumras peskre tsele phralen oun rovas ap lengro beč. Oun koy pal rakran leskre phrala leha.

1. Mose 46:29

Har yon an o them Gosen van, pandas o Yosef i graya glan peskro vourdin oun ouleras an o them Gosen pash peskro dadeste Israel. Har o Yosef les dikas, čivas yob peskre moussya troul leste, oun rovas ap leskro beč oun nay heras gar pre.

2. Samuel 11:7

Oun o Uriya vas pash o Davideste. Koy poučas o David lestar: “Har djal o Yoabeske, oun har djal kol lourdenge an o kourepen?”

1. Rajengro liil 2:19

Oun i Batsheba djas pash o baro rayeste Salomo, te rakrell li leha pral kova, hoy o Adoniya lestar kamell. Oun o baro ray, har dikas lo peskri day, stas lo pre glan late, čivas peskro shero tele glan late, oun beshas pes ap peskri rayeskri beshepaskri. Oun lake moukas lo ninna i beshepaskri te vell, te beshell li pes nay ap leskri čači rig.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

2. Mose 18:6

Oun yob moukas o Moseske te penell: “Me, o Yetro, tiri romyakro dad, vau pash toute. Oun tiri romni oun tire čave hi pash mande.”

2. Mose 33:7

Hako kopo, kay djan i Israelitarya ap i vavar platsa, čivas o Mose o plarhteno kheer pre vin glan koy platsa, kay i menshe hi. Yob penas: “Kova hi ko kheer, kay o baro Devel t'mentsa khetne vell.” Hako Israelitari, kay kamas o baro Deblestar čomone te poučell, hounte djas kote.

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

4. Mose 22:36

Har o Balak shounas, kay o Bileam vas, djas yob pash leste an o foro Ar, kay pash o pani Arnon čiddo hi, – kote kay veh an o them Moab.

Louka 7:45

Tou dal man kek čoum. Yoy čoumras mire pire yaake rah har yoy koy hi.

Bičepangre 20:37

Koy rovan le lauter zoreles, tapran les trouyel oun čoumran les.

Bičepangre 28:15

Oun har kol patsle an o foro Rom shounan, te vah mer, djan le dran o foro vin, te tapran le men mashkral i forya Forum Appii oun Tres-Tabernae. Har o Paulo len dikas, parkras lo pes pash o Debleste, oun las nevi zoor.

Čačepangre 11:34

Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

1. Samuel 17:18

Oun kal deesh kotya kiral an o pralstouno lourdeske, oun pouč, har tire phralenge djal. Oun pale mouk tout lendar čomone te dell, ap kova nay dikau, te djal lenge mishto!

1. Samuel 17:22

Oun o David moukas lauter, hoy les peha hi, tardo pash ko lourdeste, kay ap i platsa yak das, oun nashas kote, kay čivan pen i lourde pre. Oun har yob koy vas, poučas lo pengre phralendar, har lenge djal.