2. Mose 18:5 - O Debleskro Lab 2024 (Sinte-Manouche)

⁵ Kanna vas o Yetro o Moseskre čaventsa oun leskri romni an o moulo tato them pash i Debleskri berga, kay i Israelitarya beshdo hi.

O Debleskro Drom 2021 (Sinte)

⁵ Kanna was o Jetro o Moseskre tchawentsa un leskri romni an o mulo tato them pash i Debleskri berga, kai i Israelitarja beshdo hi.

2. Mose 18:5 Iomraidhean Croise

1. Rajengro liil 19:8

Kote stas lo pre oun rhas oun piyas, oun djas an kay rhapaskri zoor star-deesh divessa oun star-deesh ratsya, bis te vas lo ap o Debleskri berga, o Horeb.

2. Mose 18:6

Oun yob moukas o Moseske te penell: “Me, o Yetro, tiri romyakro dad, vau pash toute. Oun tiri romni oun tire čave hi pash mande.”

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 19:20

Oun o baro Devel vas tele ap i berga Sinay, oun das o Mose pre gole. Oun kova djas pre ap i berga.

2. Mose 24:13

Koy djas o Mose pre ap o Debleskri berga. Leskro boudepaskro Yosua djas leha.

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.