2. Mose 18:12 - O Debleskro Lab 2024 (Sinte-Manouche)

¹² Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

O Debleskro Drom 2021 (Sinte)

¹² Un o Jetro las i viecho, hoi job o Debleske maras un tseles chatchras, un ninna wawar vieche, hoi job maras, te chan le len khetne glan o Debleste. Un o Aron un i tsele phureder dran Israel wan un chan khetne o Moseskri romjakro dadeha kote, kai jon o Debles an-mangan.

2. Mose 18:12 Iomraidhean Croise

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.

1. Mose 26:30

Koy kras o Isaak lenge i rhapen, te rhan oun piyan le.

1. Mose 31:54

Oun yob maras i firho o Debleske ap koy berga oun kras i rhapen peskre menshenge. Oun yon rhan oun ačan i rati koy.

1. Mose 4:4

Oun o Abel las tikne bakren, kay i phoureder čave pengre dayendar hi, maras len oun rhačras lengre feteder kotya o Debleske. Oun o baro Devel dikas lačes ap o Abel oun ap kova, hoy yob rhačras leske.

1. Mose 43:25

Oun yon lan ko kouč koova, hoy anan le peha, oun čivan les yaake, te denn le les o Yosefeste. Yon shounan, te vell yob ap o paash dives oun te rhan yon leha.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

2. Samuel 9:7

Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

2. Familjakro liil 30:22

Oun o Hiskiya rakras kamles ap i tsele Levitarya, kay kran le pengri boudi mishto glan o baro Debleste. Efta divessa kran i Israelitarya ko festo. Oun khetne rhan le ko mass kol firhendar, hoy dan le o baro Debleste, oun parkran pen pash leste, ko Devel lengre phourendar.

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Hiob 42:11

Oun leskre tsele phrala oun phenya oun kolla, kay les glan ko tsiro prindjran, van pash leste, oun rhan khetne leha, oun rakran lačes leha, oun penan har koy bibarht lenge doukas, hoy moukas o baro Devel pral leste te vell. Oun hakeno das les i sonakaskri bema oun i goustri.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

2. Mose 18:13

O vavar dives beshas pes o Mose tele, te rakrell lo o čačepen pral i Israelitarya vin. Oun o tselo dives his i menshe kote troul leste tardo.

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

2. Mose 2:20

“Kay hi lo? Hoske moukan les vin?” poučas o Regouel peskre ča. “Anenn les, te rhal lo mentsa!”

2. Mose 20:24

Hi mange doha, te krenn mange i rhačepaskri dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.

2. Mose 24:11

Ninna te dikan kol pralstoune Israelitarya o Debles, hadas lo gar peskro vast pral lende, te marell lo len. Oun pal kova rhan le oun piyan le.

2. Mose 24:5

Oun yob bičras terne morshen vin, te marenn le firhen oun rhačrenn len o baro Debleske. Koy pashel his ninna terne gourma. Kolen maran le, te nay rhan i Israelitarya ko mass khetne glan o baro Debleste.

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

2. Mose 33:7

Hako kopo, kay djan i Israelitarya ap i vavar platsa, čivas o Mose o plarhteno kheer pre vin glan koy platsa, kay i menshe hi. Yob penas: “Kova hi ko kheer, kay o baro Devel t'mentsa khetne vell.” Hako Israelitari, kay kamas o baro Deblestar čomone te poučell, hounte djas kote.

Daniel 10:3

Lačo rhapen rhom me kek an ko tsiro. Kek mass oun kek mool vas an miro mouy, oun makom man gar djeteha dren, bis te kol triin kourke trouyel his.

4. Mose 10:29

Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”

Louka 14:1

His i Debleskro dives, koy djas o Yezous pash i pralstouno Farisari an o kheer te rhal. Oun kol menshe kote lan les an o yak.

Louka 14:15

Pash i rhapaskri his i morsh beshdo. Har kova shounas, hoy o Yezous rakras, penas lo ap o Yezouseste: “Barhtelo hi kova, kay rhal o maro pash o Debleste an o bolepen.”

1. Korintarja 10:18

Kova hi yaake, har pash i menshende an Israel. Yon van khetne oun rhan kol firhendar, kay anan le o Debleske. Lauter kolla, kay rhan, his khetne. Oun o Devel his mank lende.

1. Korintarja 10:21

T'mer nay piyenn gar dran o Yezouseskro khoro oun dran o bengeskro khoro. T'mer nay rhan gar o Yezouseskro rhapen oun o bengeskro rhapen.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 27:7

oun vavar, kolengro rat leske vin čoredo vell, oun kolengro mass t'mer khetne rhan, oun barhteles han glan leste.