2. Mose 18:11 - O Debleskro Lab 2024 (Sinte-Manouche)

¹¹ Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

O Debleskro Drom 2021 (Sinte)

¹¹ Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

2. Mose 18:11 Iomraidhean Croise

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

2. Rajengro liil 5:15

Oun yob djas pale pash ko Debleskro morsheste lauterentsa, kay pash leste hi, djas glan leste oun penas: “Kanna djinau me, kay hi kek Devel ap i tseli phoub, kokres an Israel. Kanna le čomone mandar, te parkrap man pash toute.”

1. Familjakro liil 16:25

O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.

2. Familjakro liil 2:5

Koon nay krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoy nay krau, hi, te krap i platsa, kay nay rhačrah soungepaskro koova glan leste.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Nehemia 9:16

Oun mare phoure hadan pen oun djan pal pengro shero, kran pengre djia har bar, oun shounan gar ap tire laba.

Nehemia 9:29

Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

Debleskri gili 119:21

Tou čingreh pral kolende, kay phourdenn pen pre. Praasedo hi kolla, kay moukan tire laba.

Debleskri gili 135:5

Kanna djinau: O baro Devel hi o pralstouno. Maro baro Devel hi bareder har hako vavar devel.

Debleskri gili 31:23

Me homs yaake dareno, te penom: “Mo Devel, tou kameh mandar bouder či te djinell!” Kova his gar yaake: Tou shounal man, har rovom ap toute.

Debleskri gili 95:3

O baro Devel hi o pralstouno Devel, o baro ray pral i tsele debla.

Debleskri gili 97:9

Tou, baro Devel, hal o pralstouno pral i tseli phoub. Tou hal bareder har i tsele debla.

2. Mose 1:10

Mer hounte hatsas i drom, te venn yon gar gomme boudeder. Te phagals i baro kourepen vin, nay dans pen yon ap i vavar rig, oun mer hounte kourams men lentsa, oun yon djans dran ko them vin.”

2. Mose 1:16

“Te lenn kol hebretikre djouvya čaven, pale krenn i morsh čaven moules, kol čen moukenn te djivell!”

2. Mose 1:22

Kanna penas o Farao ap i Egiptarya an peskro tselo them: “Kol tsele morsh čave, hoy neves boldo van, vitsrenn an o pani Nil! Oun i čen moukenn te djivell!”

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

2. Mose 14:18

Palle dikenn i Egiptarya, te hom me o baro Devel, te sikrom me miro barepen oun miri zoor ap o Farao, ap leskre vourdya oun leskre kourepangre.”

2. Mose 14:8

Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 5:2

Oun o Farao penas ap o Moseste oun ap o Aroneste: “Havo devel hi kova, kay me shounap ap leste? Hoske moukap me i Israelitarya te djal? Me prindjrau ko debles gar, oun me moukau gar i Israelitaryen te djal.”

2. Mose 5:7

“Denn len bouder kek phouss, te čivenn le kova an koy čik, kolatar yon barra rhačenna! Moukenn len ko phouss penge kokres khetne te čivell!

4. Mose 33:4

har kolla pengre phoureder morsh čaven paskran, kolen o baro Devel maras mashkral lende. Yaake sikras lo i Egiptarende, te hi lo zorleder har lengre debla.

Louka 1:51

Oun yob hadas peskri zoreli moussi, oun tradas kolen krik, kay kran pen kokres bares.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

1. Samuel 2:3

Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.