2. Mose 18:1 - O Debleskro Lab 2024 (Sinte-Manouche)

¹ O rashay an o them Midian, – leskro lab his Yetro, his o Moseskri romyakro dad. Yob shounas kava lauter, hoy o baro Devel ap i tsele Israelitarya oun ap o Moseste kras, te las lo len dran o them Egiptia vin.

O Debleskro Drom 2021 (Sinte)

¹ O rashai an o them Midian, – leskro lab his Jetro, his o Moseskri romjakro dad. Job shunas kawa lauter, hoi o baro Dewel ap i tsele Israelitarja un ap o Moseste kras, te las lo len dran o them Egiptia win.

2. Mose 18:1 Iomraidhean Croise

Debleskri gili 105:43

Har anas lo peskre vi-rodede menshen vin, sanas lengro dji. Oun yon givan i barhtyatar.

Debleskri gili 105:5

T'mer, kay venn pal o Abraham, o Debleskro boudepaskro, t'mer čave o Yakobestar, koles yob vin rodas, ma bistrenn, hoy yob lauter kras an peskri bari zoor, kova, hoy kek vavar nay kras! Ma bistrenn, har yob o čačepen pral i menshende vin rakras!

Debleskri gili 106:2

Koon nay penella ko tselo baro koova, hoy o baro Devel lauter kras? Koon nay sharell les doha?

Debleskri gili 34:2

Me kamau o baro Debles te sharell hako tsireske, oun kamau gar tele moukell, te parkrap man pash leste.

Debleskri gili 44:1

I gili o rayeske pral i gipangre. Kay gili hi yekestar dran i familya Korah.

Debleskri gili 78:4

kova kamah gar te khatrell glan mare čavende; na-a, kolenge, kay pal mende venna, kamah te penell, har zorelo o baro Devel hi oun havo baro koova yob kras an peskri zoor.

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

2. Mose 2:18

Har van i ča khere pash pengro dadeste, o Regouel, poučas lo len: “Hoske van t'mer yaake sik pale?”

2. Mose 2:21

O Regouel poučas o Mosestar, te ačell yob pash leste, oun o Mose penas: “Ava! Mishto!” O rashay das peskri čay, i Sefora, leste, te romedinerell yob lat.

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

2. Mose 4:18

Oun palle djas o Mose pash peskro romyakro dadeste, o Yetro, pale, oun penas leske: “Me kamau pale an o them Egiptia pash mire menshende te djal, te dikap, te hi le djido!” Oun o Yetro penas ap o Moseste: “Dja o Debleha!”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

4. Mose 10:29

Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

Josua 2:10

Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.

Josua 9:9

Oun yon penan: “Dran i them dour katar krik van tire boudepangre kate pash toute. Mer shounam, har baro tiro Devel hi oun hoy yob, o baro Devel, halauter kras an o them Egiptia,

Čačepangre 1:16

Oun i Kenarya, – lengro phouro dad his o Moseskri romyakro dad, – kolla djan vin dran o palmtikro foro oun djan khetne i morshentsa dran o kheer Youda an o moulo tato them, hoy pash o foro Arad čiddo hi, ap i čači rig. Oun yon ačan kote oun djivan mashkral kol menshende.

Čačepangre 4:11

Ap i platsa, hoy kharell Zaanannim pash o foro Kedesh djivas o Kenari Heber an i plarhteno kheer tel i baro rouk. Glan i tsiro moukas yob peskre menshen. Kolla his čave oun čavengre čave o Moseskri romyakro dadestar, o Hobab.